web counter
LEXO PA REKLAMA!

SHKARKO APP

App Store
Google Play

Grigels Muçollari: Rama do të japë godinën e Aviacionit Civil për kulla

20 Qershor 2024, 11:28, Politikë CNA
Grigels Muçollari: Rama do të japë godinën e Aviacionit
Grigels Muçollari

Anëtari i Kryesisë në PD, Grigels Muçollari, denoncoi këtë të enjte se të gjitha hapësirat, që aktualisht shërbejnë si zyra e ambiente pune për Aviacionin Civil, do t’i lënë vendin një kulle të lartë, që Edi Rama e ka planifikuar për një nga miqtë e tij. 

Muçollari kërkoi që qytetarët të ngrenë zërin dhe të mos lejojnë që Rama të ndërtojë vetëm kulla. 

Deklarata e plotë: 

Jemi këtu në zemrën e Tiranës së re, një nga zonat më të shtrenjta, dhe me dendësinë më të lartë në kryeqytet.

Godina pas meje, dhe gjithë hapësira, që aktualisht shërben si zyra e ambiente pune për Aviacionin Civil, shumë shpejt do t’i lërë vendin një kulle të lartë, që Edi Rama e ka planifikuar për një nga miqtë ose klientët e tij.

Plani jo transparent që ka kryeministri për godinat shtetërore, duket se nuk do të kursejë asgjë. Trojet më të çmuara në kryeqytet do të kthehen në pazar të pastër me fitues të paracaktuar.

Kjo pjesë e Tiranës, ka nevojë për më shumë gjelbërim, më shumë ajër të pastër, me shumë hapësira për banorët. Ka nevojë për çerdhe, kopësht dhe shkollë.

Çfarë ofron Edi Rama është krejt e kundërta. Një grataçelë e re, që do të sjellë më pak gjelbërim, më pak hapësirë publike, më shumë ndotje të ajrit.

Asgjë nuk përfitojnë qytetarët nga ky projekt. Sepse nuk është zgjidhje as për kërkesat e mëdha për banesa, pasi çmimet në këto kulla janë të paprekshme nga njerëzit e zakonshëm.

Eshtë thjesht një pakt i ri abuziv e klientelist i kryeministrit, një mundësi shtesë për pastrimin e parave të pisëta. Kjo godina këtu, me gjithë hapësirat e saj, nuk është pronë e Edi Ramës. Këto janë prona shtetërore dhe publike, të ndërtuara nga taksat, nga puna, nga mundi i qytetarëve të këtij vendi.

Qytetarët nuk mund të lejojnë që Edi Rama të sillet si pronar i këtyre objekteve, për një aferë të re korruptive. Duhet të ngremë zërin, duhet transparencë, duhet llogaridhënie./CNA 





Lajmet e fundit nga