web counter
LEXO PA REKLAMA!

SHKARKO APP

App Store
Google Play

Çollaku, “me dy fytyra”/ Sot shkon te Berisha, dje betohej se “nuk lëpinte aty ku pështynte”

20 Qershor 2024, 19:05, Politikë CNA
Çollaku, “me dy fytyra”/ Sot shkon te Berisha, dje betohej se
Kreshnik Çollaku, burimi LSA

Kreshnik Çollaku tradhëtoi Lulzim Bashën sapo Gjykata e Apelit ia dha vulën PD-së së Berishës.

Ai shkoi në grupin e Berishës me pretendimin se do të qëndrojë gjithmonë aty ku është vula. Në një dalje të fundit, Çollaku tha se nuk do të ikë nga PD-ja vetëm se ka kundërshti me kryetarin, duke iu referuar liderit historik të PD-së, Sali Berisha.

“I qëndroj bindjeve dhe parimeve të mia për këto ca kam thënë në këto 3 vite për raportet me SHBA dhe reformën në drejtësi. Mund të bëhem pjesë dhe jam i gatshëm të bëhem pjesë në çdo grup kundërshtues brenda PD, siglën dhe flamurin e PD nuk e lë për të krijuar parti të re edhe pse kam kundërshtitë e mia me kryetarin. Edhe ata që janë kundër Berishës kanë të drejtë të jenë në PD pavarësisht kundërshtimeve me kryetarin apo këdo kryetar që mund të jetë nesër”, deklaroi ai këtë të enjte, në ekranin e një televizioni të paguar nga inceneratorët.

Megjithatë, duhet kujtuar se Çollaku, i cili sot “po vrapon në prehrin e Berishës”, vetëm pak muaj më parë kundërshtonte me forcë bashkimin. Ai theksonte se ish-kryeministri i shpallur “non-grata” është bërë pengesë për marrëdhëniet me SHBA-në.

“Ndarja në PD nuk ndodhi për asnjë marrëdhënie personale. Ndarja në PD ndodhi për shkak të dy qëndrimeve mbi marrëdhënien dhe kërkesave të SHBA.

Një palë konsideroi marrëdhënien me SHBA strategjike dhe të pakushtëzuar. Pala tjetër konsideroi marrëdhënien me SHBA, me kushte dhe deri sovraniste. Edhe sot e njëjta ndarje është. Disa individë me mandat deputeti që ndërrojnë sipas stinës qëndrime, nuk i bëjnë asgjë të njëjtës Ndarje. Bashkimi ndodh nëse bie shkaku për të cilën u ndamë: Marrëdhënia me SHBA”, shkruante ai më 6 mars të këtiuj viti në rrjetet e tij sociale.

Çollaku, “me dy fytyra”/ Sot shkon te Berisha, dje betohej se

Madje, deputeti i Lulit nënvizonte se nuk do të lëpinte aty ku pështynte.

“Të lëpish e gëlltisësh në një ditë çka ke pështyrë e vjellë në dy vjet…, s’ka nevojë fare për Vulë. Gjuha dhe stomaku i fortë, janë mjaftueshëm”, deklaronte ai në rrjetet e tij sociale më 27 mars.

Çollaku, “me dy fytyra”/ Sot shkon te Berisha, dje betohej se

I njëjti person që sulmonte PD-në dhe këmbëngulte se nuk kishte bashkim me Sali Berishën, tashmë ka kaluar ylberin dhe ka harruar çfarë ka thënë më parë./ CNA





Lajmet e fundit nga