web counter
LEXO PA REKLAMA!

SHKARKO APP

App Store
Google Play

E fundit!

x

Veliaj sulmon Berishën dhe Metën/ “Harron” hetimet e SPAK-ut për Bashkinë e Tiranës

20 Qershor 2024, 20:12, Politikë CNA
Veliaj sulmon Berishën dhe Metën/ “Harron” hetimet e
Kryetari i Bashkisë së Tiranës, Erion Veliaj. Foto e shkëputur nga aktiviteti

Kryebashkiaku i kryeqytetit, Erion Veliaj ka vijuar edhe këtë të enjte me të njëjtin refren.

Veliaj, duke injoruar vjedhjet e drejtorëve të tij, ka sulmuar ish-kryeministrin Sali Berisha dhe kreun e PL-së, Ilir Meta.

Ai deklaroi se Berisha është reduktuar në një dritare te rruga “Mustafa Matohiti”, ndërsa Meta është kthyer në një meme.

“Sot po shikojmë se si Sali Berisha është reduktuar në një dritare te rruga “Mustafa Matohiti”. Sot po shikojmë se si Ilir Meta është reduktuar në një vare argëtuese, që shëtit nëpër Shqipëri. Sot është kollaj të bësh gallatë, me e trajtuar Saliun dhe Ilirin si një meme, me këto muhabetet e rrjeteve sociale, por ka qenë një kohë kur këta nuk ishin gallatë, se ishin persekutuesit numër 1. I pari nga jashtë, i dyti nga brenda. I pari të dhunonte me SHIK-un dhe policinë e tij, i dyti ta sabotonte me përçarjen nga brenda. Sot është gallatë me pa Ilirin dhe Saliun në atë derexhe, por që të vinim te kjo ditë, që të qeshim dhe të argëtohemi me mënyrën si kanë degjeneruar ato figura politike, u desh mundi dhe djersa e atyre që e mbajtën 33 vjet forcën tonë si forcë serioze, që bën shtet dhe qytet”, u shpreh ai.

Kryebashkiaku socialist nuk kurseu as protestuesit që kërkojnë dorëheqjen e tij para Bashkisë së Tiranës.

“Edhe ata që djegin goma shkojnë në një shtëpi e cila u vlen tre herë më shumë. I çojnë fëmijët në një shkollë si “Emin Duraku”, si “Sami Frashëri”, si “Kosova”. I çojnë fëmijët e tyre në shkolla me standarde europiane sot, ecin në rrugë të standardit europian. Diferenca është që kur shërben PS-ja, edhe ata që djegin goma, ata që vranë socialistët në 21 janar, ata që rrëmbyen socialistët me SHIK-un e Saliut, jetojnë në një qytet që prona u vlen më shumë, shtëpia iu vlen më shumë, rroga u vlen më shumë, rruga u është bërë më e urbanizuar. Ndaj, kur qeverisin socialistët, edhe kundërshtarët tanë më të paepur jetojnë në një hapësirë më të mirë”, theksoi Veliaj./ CNA





Lajmet e fundit nga