web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Plarent Ndreca, hajdut si drejtorët e 5D-së që mbrohet nga Rama

21 Qershor 2024, 22:22, Politikë CNA
Berisha: Plarent Ndreca, hajdut si drejtorët e 5D-së që mbrohet
Sali Berisha, Kryetar i PD-së

Kryetari i PD-së, Sali Berisha në daljen e tij të radhës në protestën maratonë që zhvillon nga ballkoni i shtëpisë së tij, ka akuzuar deputetin socialist, Plarent Ndrecën për korrupsion. Berisha e cilëson këtë të fundit si hajdut njëlloj si drejtorët e 5D të Bashkisë së Tiranës. Kreu demokrat u shpreh se Ndrecën e mbron kryeministri Rama, pasi sipas tij, ai ka firmosur 28 mijë metër katrorë tokë publike për vëlla Olsin.

“Merrni dosjen, është Ndreca hajduti i pafytyrë. Dhe do ua them pse është i tillë. Që shkoi në Kroaci për të blerë uniformat, që i mori ato me çmime gjer 10 herë më të shtrenjta se sa në tregun e botës. Që u kthye dhe që Dumani e amnistoi, ky kriminel në krye të Skapit që heton me peqe lepe si fundërrinë. Po ai nuk e di se do japë llogari për të gjitha krimet e tij. Në aktin e tij të fundit prej banditi, para dy ditësh ky hajdut ordiner, ordiner në çdo aspekt, që për ordiner është shkarkuar nga detyra. Ky hajdut ordiner padit një njeri të ndershëm, një shërbëtor të ndershëm të shtetit, punonjës të KLSH sepse ky i kishte bërë të gjitha ekspertizat e akteve të vjedhjeve të tij në Ministri të Arsimit, të vjedhjeve të tij në Ministrinë e Brendshme.”

Po kush e mbron Ndrecën? Plarentin? A e dini ju kush e mbron? E mbron Edi Rama sepse firmosi me dorën e tij 28 mijë metër katrorë tokë publike për vëlla Olsin, pronë e shtetit shqiptar. Sipërmarrjes private të Olsit të Xibrakës.”/CNA





Lajmet e fundit nga