E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

Mandati i Xhaçkës/ Bardhi, në "Kushtetuese": Duhet mbrojtur autoriteti i kësaj godine

21 Qershor 2024, 10:18, Politikë CNA

Mandati i Xhaçkës/ Bardhi, në "Kushtetuese": Duhet

Gazment Bardhi në Gjykatën Kushtetuese

Kreu i Grupit Parlamentar të PD-së, Gazment Bardhi, u shpreh gjatë seancës që po zhvillohet në Gjykatën Kushtetuese për mandatin e deputetes Olta Xhaçka, se ky institucion me vendimin që do të marrë duhet të mbrojë autoritetin dhe dinjitetin e kësaj godine.

Bardhi nënvizoi se deputetët e pakicës parlamentare e kanë bërë detyrën duke e sjellë këtë çështje në Gjykatën Kushtetuese.

"Pas një zvarritjeje ku janë të përfshira të gjitha institucionet. Një vendim i marrë nga Gjykata Kushtetutuese është sfiduar nga Kuvendi. Xhaçka ose duhet të vinte në Gjykatën Kushtetuese ose duhet t'ia linte turpin mazhorancës për vendimin. Gjykata Kushtetuese duhet të mbrojë autoritetin dhe dinjitetin e kësaj godine. Ne si deputetë të pakicës parlamentare e kemi bërë detyrën tonë, e kemi sjellë në Gjykatën Kushtetuese këtë çështje. Nuk jemi këtu as për veprime politike. Edhe 6 muaj edhe ne futemi në fushatë", u shpreh Bardhi.

Më 11 prill mazhoranca votoi në Kuvend kundër dërgimit të mandatit të deputetes socialiste Olta Xhaçka për shqyrtim në Gjykatë Kushtetuese.

Kërkesa e opozitës u rrëzua me 72 vota kundër të Partisë Socialiste, përkundrejt 32 votave pro të deputetëve të opozitës që mbështetën dërgimin e çështjes së ish-ministres së Jashtme në Kushtetuese.

Xhaçka mbante detyrën e ministres së Jashtme në kohën kur Komiteti i Vendimeve Strategjike i drejtuar nga kryeministri Edi Rama miratoi statusin e “investitorit strategjik” për bashkëshortin e saj, Artan Gaçi, i cili po ndërton një hotel në Dhërmi.

Në deklaratat e saj, ish-ministrja këmbëngul se nuk është në konflikt interesi dhe se nuk ka përfituar asnjë centimetër tokë shtetërore dhe asnjë lloj përfitimi tjetër publik. Sipas saj, i vetmi përfitim nga ky status lidhej me kompaninë që në një të ardhme do të menaxhojë aktivitetin për sipërfaqen e plazhit para hotelit./CNA