web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Këlliçit: Kemi dokumente të reja për Veliajn, mos tentoni ta amnistoni

21 Qershor 2024, 11:53, Politikë CNA
Paralajmërimi i Këlliçit: Kemi dokumente të reja për
Belind Këlliçi

Drejtuesi politik i PD-së për Tiranën, Belind Këlliçi, u shpreh në protestën që po zhvillohet para Bashkisë së Tiranës se kanë në duar edhe dokumente të tjera për Erion Veliajn që e implikojnë në aferat korruptive. 

Këlliçi theksoi se këtë herë Veliajt i ka ngelur "sharra në gozhdë" dhe se në asnjë moment nuk do të dorëzohet Partia Demokratike, derisa ai të shporret nga Bashkia e Tiranës. 

Ish-deputeti e quajti Veliajn një mbeturinë njerëzore dhe tha që do marrë përgjigjen e merituar nga qytetarët. 

"Jemi përpara zyrës së një hajduti, është hajduti më i madh i taksave të shqiptarëve. Me talljen që po i bën SPAK-ut, me poshtërimin që po i bën çdo ditë Altin Dumanit, ky njeri ka hyrë që histori si njeriu që ka shkelur me këmbë Reformën në Drejtësi. E dëgjuat para pak javësh që tha 'takova kolegët e mi në SPAK'. Dumani e të tjerë janë vartës së Veliajt dhe nuk janë prokurorë. Sado që mediat censurojnë protestën e opozitës, ne këtu do jemi. Erion Veliaj këtë herë sharra të ka ngelur në gozhdë. Partia Demokratike nuk shitet. Sado përvëluese që do të jenë temperaturat, përveluese do të jenë edhe dokumentet e reja. Nëse ka një tentativë për të amnistuar Veliajn, kemi dokumente për ta mbajtur hapur këtë çështje. Ne nuk dorëzohemi. Veliaj është një mbeturinë njerëzore që do marrë përgjigjen ndaj qytetarëve. Nga ajo zyrë do dalësh prej zhelesh, ashtu e meriton", u shpreh Këlliçi./CNA 





Lajmet e fundit nga