web counter
LEXO PA REKLAMA!

SHKARKO APP

App Store
Google Play

E fundit!

x

Në panik nga burgu/ Veliaj i lëpihet klubit Partizani

23 Qershor 2024, 11:26, Aktualitet CNA
Në panik nga burgu/ Veliaj i lëpihet klubit Partizani
Kryebashkiaku Erion Veliaj, shkëputur nga videoja e publikuar në "Facebook"

Kryebashkiaku Erion Veliaj, i ndodhur në panik nga burgu, po bën përpjekje për të shpëtuar nga prangat, duke krijuar aleanca si dhe duke bërë propagandë, apo si në rastin që do të tregojmë sot, duke u lëpirë.

Veliaj është braktisur masivisht nga socialistët, nga kryeministri Edi Rama, i cili e ka treguar më shumë se njëherë qëndrimin e tij, duke e fshirë përfundimisht, duke e hequr nga fotot e përbashkëta në evente, apo duke e injoruar totalisht, ashtu si në festën e PS-së, ku u pa i nxirë dhe më i vetmuar se asnjëherë më parë.

Tashmë i ka mbetur alibia e lëpirjes dhe aleancave. Kryetari i organizatës së hajdutëve, Erion Veliaj, i lëpihet ekipit të Partizanit.

Duke u përpjekur të tregojë se ka mbështetje popullore nga të gjithë, së fundi ka tejkaluar kufijtë e qesharakut duke bërë njeriun që mban premtimet, duke i dhënë pas më shumë se një viti klubit Partizani atë që i kishte premtuar në sezonin futbollistik 2022-2023.

Në panik nga burgu/ Veliaj i lëpihet klubit Partizani
Kryebashkiaku Erion Veliaj, foto e marrë nga "Facebook"-u

Por dhe këtu ka marrë atë që meriton, pasi është bojkotuar nga drejtori i Klubit Sportiv të Partizanit, Olsi Rama.

Ky i fundit ka refuzuar të marrë pjesë në shfaqjen teatrale të Veliajt me ekipin e Partizanit që shpërblimin për fitoren e kampionatit një vit më parë ia jep këtë vit ku kampionatin e ka fituar Egnatia.

Nën hetim nga SPAK-u dhe në panik nga prangat, Veliaj po përpiqet të tregojë se ka mbështetje popullore dhe se mbështetet nga socialistët që ai vetë ka dëbuar dhe luftuar si Mjaft-ist dhe më pas si 99-ç.

Por nuk mjafton kaq. Tani përveç enveristit të fundit, Fatmir Xhafaj, me të cilin del dhe bën takime elektorale, ka bërë shok dhe Lulzim Bashën, duke menduar se bashkë me Xhafajn do ta shpëtojnë nga ndëshkimi dhe përgjegjësia ligjore.

Tani më nuk i ka mbetur asgjë pa bërë për të shpëtuar nga prangat që po i tunden pas hetimeve që po bën SPAK-u për dosjet e nxehta.

Del e pastron plehrat kur paguan 35 milionë euro për pastrim dhe incenerim të mbetjeve.

Veliaj duhet të kuptojë se shfaqjet e tij kanë përfunduar dhe perdja po ulet, që pas asaj perdes nuk do të ketë njerëz që e duartrokasin, por do të jenë "kolegët" që do t’i tregojnë një tjetër derë.

Duhet të kuptojë që pandëshkueshmëria e politikës ka mbaruar dhe “peshku” i madh është gati për tigan.

Veliaj plotëson të gjitha parametrat, jo të një peshku të madh, por të një krokodili, dhe do të ishte një supersukses për reformën në drejtësi./ CNA

 





Lajmet e fundit nga