web counter
LEXO PA REKLAMA!

SHKARKO APP

App Store
Google Play

E fundit!

x

Turizmi/ Berisha akuza Ramës: Hoqi ligjin që ndihmonte investimet në zonat malore

22 Qershor 2024, 20:49, Aktualitet CNA
Turizmi/ Berisha akuza Ramës: Hoqi ligjin që ndihmonte investimet
Kreu i PD-së Sali Berisha

Kreu i PD-së Sali Berisha ka hedhur akuza ndaj kryeministrit Edi Rama sa i përket investimeve në turizmin malor.

Berisha deklaroi se, Rama investoi 38 milionë euro për segmente rrugësh të papërfunduara për turizmin malor.

Më tej u shpreh se, Rama hoqi ligjin me të cilin investimet në zonat malore përjashtoheshin nga taksat për një periudhë 8-vjeçare dhe e ktheu këtë ligj për bregdetin.

“Edi Rama flet nga mëngjesi deri në darkë, përdor si drogë turizmin se mendon se do gënjejë shqiptarët.Shkoni pak në zonat malore turistike, nga Çajupi në Markofshe, Edi Rama në masivin malor-kodrinor të Shqipërisë ka investuar gjithsej në segmente rrugësh të papërfunduara 38 milionë euro.

Në një kohë kur janë këto zona, të cilat i japin Shqipërisë pasaportën e vendit me turizëm në çdo muaj të vitit.Me turizëm vjetor.Çfarë bëri Edi Rama me të ardhur në pushtet, nën ndikimin e trafikantëve të drogës?Hoqi ligjin me të cilin investimet në zonat malore përjashtoheshin nga taksat për një periudhë 8-vjeçare.

E riktheu këtë ligj për bregdetin, aty ku e urdhëruan trafikantët e drogës.Ja ku është Biza miqtë e mi, një nga bukuritë më të mëdha natyrore. Biza e ndaluar ndër shekuj për shqiptarët, vazhdon edhe sot.Doli njëherë në Sari Sëlltik dhe këndonte këngën e rrugës së ndërtuar nga qeveria ime si kaposh mbi pleh.

Shkoni pak, një nga destinacionet më përrallore në të gjitha vlerësimet është kanioni, një fjord, është Liqeni i Komanit gjer në Alpe.Ai sot është një nga liqenet më të pista dhe rruga që mbeti Vau i Dejës-Koman është rruga më e shkatërruar e Ballkanit.

Një ditë, një deputete e Shkodrës ngriti problemin e saj. Përgjigja e Ballukes ishte se ku është rrugë turistike ajo, është rrugë energjetike. O injorancë, o turpi i dheut.Ajo është një nga drejtimet turistike më mahnitëse, më përrallore. Breg liqenit, si një fjord.Lumi i Shalës nga destinacionet sot më kryesore, Valbona magjepsëse me pamjet e saj”, u shpreh Berisha./ CNA





Lajmet e fundit nga