E fundit!

10:44 Aktualitet CNA

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Paguan 35 milionë euro në vit për pastrim dhe incenerim, Veliaj mbledh plehrat me duar

22 Qershor 2024, 15:23, Aktualitet CNA

Paguan 35 milionë euro në vit për pastrim dhe incenerim, Veliaj

Erion Veliaj me doreza duke mbledhur plehrat në Tiranë. Burimi: Facebook

Tashmë është fakt. CNA e ka thënë shpesh se kryebashkiaku Erion Veliaj paguan rreth 35 milionë euro në vit për pastrimin, evadimin e mbetjeve nga kryeqyteti, landfillimin dhe incenerimin e tyre. (lexo këtu)

Në fakt inceneratori i Tiranës nuk ekziston, nuk dihet ende se ku kanë shkuar rreth 150 milionë euro, shuma totale e të ardhurave të kompanisë së inceneratorit të Tiranës sipas deklarimeve në Qendrën Kombëtare të Biznesit. (lexo këtu)

Nga ana tjetër, sot Veliaj po na tregon se Tiranën po e pastron me grupe vullnetarësh, duke mbledhur plehrat me dorë.

Vullnetarët në Tiranë duke mbledhur plehrat me duar. Foto: Facebook

Pse duhet të paguajë rreth 25 milionë euro të tjera Erion Veliaj për pastrimin e kryeqytetit? Nuk e bëjnë punën firmat e pastrimit të Tiranës? A merr masa ndëshkimore ndaj tyre kryebashkiaku? Apo punën që duhet të bëjnë subjektet private të cilat paguhen, e bën ky si në rastin e "5D" duke shfrytëzuar punonjësit e bashkisë dhe qytetarët? (lexo këtu)

Kjo është një tjetër hajdutëri dhe shumë flagrante. Nëse ti paguan për pastrimin e qytetit, kompanitë e pastrojnë. Nëqoftëse ti paguan për landfillin dhe incenerimin, kompanitë i çojnë mbetjet atje, landfillohen dhe incenerohen. Në Tiranë paguhen 35 milionë euro, nga të cilat 10 milionë euro për inceneratorin që nuk ekziston dhe 25 milionë euro të tjera për pastrimin.(lexo këtu)

Sot plehrat po mblidhen me dorë dhe këtë po na i tregon Veliaj. Pra Tirana nuk është më e pastër edhe pse Erion Veliaj paguan 35 milionë euro në vit për pastrimin e kryeqytetit, për landfillimin dhe incenerimin.

Por sot çfarë po bën Erion Veliaj?

Po bën një tjetër abuzim, po heq me mijëra e mijëra ton mbetje, rrugëve, po i heq me duar, që duhet t'i hiqnin kompanitë e pastrimit, të cilat paguhen për atë punë. Pastaj çfarë ndodh me pagesat, Erion Veliaj ua paguan të plotë, nga njëra anë ata punën nuk e bëjnë, por punën e tyre e bën kryebashkiaku duke përdorur punonjësit e bashkisë.

Njësoj si në rastin e dosjes "5D", e cila fitonte tenderët dhe pastaj merrte punonjësit e bashkisë dhe kryente punimet me ta për të ulur kostot. (lexo këtu)

Kështu është edhe rasti. Fakti është kur duhet të pastrohet Tirana nga kompanitë e pastrimit dhe evadimit të mbetjeve, shkon e pastron Veliaj dhe kompanitë thjesht dhe vetëm marrin dhe futin lekët në xhep./CNA