web counter
LEXO PA REKLAMA!

SHKARKO APP

App Store
Google Play

Zgjedhjet në universitete/ UT pa surpriza, Artan Hoxha mandat të dytë

21 Qershor 2024, 20:40, Aktualitet CNA
Zgjedhjet në universitete/ UT pa surpriza, Artan Hoxha mandat të
Universiteti i Tiranës, foto e marrë nga faqja zyrtar e universitetit

Këtë të premte në të gjitha universitetet e Shqipërisë janë mbajtur zgjedhjet për kupolën drejtuese.

Në Universitetin e Tiranës, rektori Artan Hoxha mori një mandat të dytë pa rival. Edhe në Universitetin Bujqësor, Fatbardh Sallaku, Agron Kasa, në Universitetin e Sporteve dhe Xheladin Dracini te Mjekësia, u konfirmuan në detyrë pa asnjë rival përballe.

Te Universiteti Politeknik me 96% të votave ka fituar zv.rektori Akli Fundo, i cili tashmë do të jetë rektor.

Në rast se në garën për drejtues të universiteteve ka vetëm një kandidat, fleta e votimit parashikon mënyrën e votimit me pro ose kundër. Dhe kur ka mbi 50% të votave kundër, nuk njihet rezultati dhe do duhet të përsëriten zgjedhjet.

Në Universitetin e Arteve, me 3 vota më shumë të pedagogëve fitoi Erald Bakalli përballë Artan Peqinit. Rezultat i ngushtë votash ishte dhe në Shkodër ku u zgjodh Tonin Gjuraj, duke i hequr mundësinë e një mandati të dytë rektores aktuale Rajmonda Kcirës dhe kandidates tjetër Nertila Ljarja. Në Durrës votat e pedagogëve kanë zgjedhur Shkëlqim Fortuzin si rektorin e “Aleksandër Moisiut” për katër vitet e ardhshme, në diferencë të ngushtë me profesorin Osman Metallën. Në Vlorë, në garën me tre kandidatë, fitoi Aurela Saliaj. Ndërsa në Gjirokastër dhe Elbasan, fitorja është e sigurt për kandidatët e vetëm Jaho Cana dhe Elvira Fetahu./ CNA





Lajmet e fundit nga