web counter
LEXO PA REKLAMA!

SHKARKO APP

App Store
Google Play

"Turizëm me lugë bosh në Shqipëri"/ Berisha: Menaxhohet nga hajdutë që vjedhin nga mëngjesi në darkë

22 Qershor 2024, 20:27, Aktualitet CNA
"Turizëm me lugë bosh në Shqipëri"/ Berisha:
Ish-kryeministri Sali Berisha

Ish-kryeministri Sali Berisha ka folur mbrëmjen e sotme për turizmin.

Sipas Berishës se në Shqipëri ka turizëm me lugë bosh.

Ai tha se, shqiptarët duhet të mësojnë se si turizmi është shndërruar në një ndëshikm, në një pasuri mallkimi për shqiptarët.

Kreu i PD, theksoi se Shqipëria menaxhohet nga hajdutë që vjedhin nga mëngjesi deri në darkë.

"Sot kam vendosur të paraqes para jush falsitetin e tmerrshëm të magjisë së turizmit, për të cilin televizionet e qeverisë flasin ditë e natë.

Do t’u njoh sonte me studimet e të dhënat reale të ekonomistëve se në rast se ka në botë një turizëm me lugë bosh, është turizmi i Shqipërisë.

Të kuptohemi, në bindjen time më të thellë, Shqipëria me burimet e saj natyrore, me trashëgiminë e saj të jashtëzakonshme kulturore, me mikpritjen e veçantë shqiptare, nuk e ekzagjeroj po të them se mund të synojë nga vendet më të para në botë.

Se mund të jetë ndoshta me potencialin e saj turistik si asnjë vend tjetër për sipërfaqen që ka.

Por çfarë ndodh? Ku renditet Shqipëria sot? Shqipëria sipas Forumit Ekonomik Botëror të Davosit renditet në vendin e 66-të.

Shqipëria renditet në vendin e 66-të jo se ajo nuk i ka magjepsëse potencialet e saj, por menaxhimi i këtyre potencialeve është mizerabël, është nga hajdutë që vjedhin nga mëngjesi gjer në darkë.

Të dashur miq, shqiptarët duhet ta dinë se çfarë falsiteti, çfarë mashtrimi, por duhet ta mësojnë se si turizmi është shndërruar në një ndëshkim, në një pasuri të mallkuar për ta", tha Berisha./ CNA





Lajmet e fundit nga