web counter
LEXO PA REKLAMA!

SHKARKO APP

App Store
Google Play

Projekti gjigant “Durrës Yacht & Marina”/ Alabbar, në kantierin e punimeve: Destinacion i klasit botëror

22 Qershor 2024, 22:10, Aktualitet CNA
Projekti gjigant “Durrës Yacht & Marina”/ Alabbar, në
Mohamed Alabbar, në Durrës

Mohamed Alabbar, kreu i kompanisë Emaar ka vizituar sërish Shqipërinë.

Alabbar është ndalur në Durrës aty ku po kryhen punimet për projektin më të madh siç është “Durrës Yacht & Marina”.

“Duke përqafuar një të ardhme rrezatuese ku mendjet e shkëlqyera po krijojnë evolucionin e një destinacioni të klasit botëror përgjatë bregdetit mahnitës të Mesdheut”, shkruhet krahas videos së ndarë në rrjetet sociale.

Punimet për këtë projekt po ecin në mënyrë intensive, i cili konsiderohet si një nga investimet që do t’i sjellë përfitime të jashtëzakonshme.

Edhe ata më skeptikët dhe kundërshtarët do zhgënjehen nga suksesi i këtij projekti.

Alabbar ka ndarë me ekipin vizionin dhe ekspertizën e tij për këtë projekt që do të shndërrojë qytetin e Durrësit dhe do t’i japë atij një zhvillim ekonomik të jashtëzakonshëm.

 
 
 
 
 
View this post on Instagram
 
 
 
 
 
 
 
 
 
 
 

A post shared by Durrës Yachts & Marina (@durresyachtsmarina)

Për këtë projekt janë investuar 2 miliardë euro.

Marrëveshja përfundimtare për zhvillimin e projektit “Durrës Yacht & Marina” nga qeveria shqiptare dhe “Eagle Hills Real Estate” u nënshkrua më 30 janar 2023.

Mohamed El Alabbar, ditën e nënshkrimit të marrëveshjes, tha se në Durrës do të zbatohen teknologjitë më të fundit që nuk janë përdorur as në Dubai dhe premtoi se nuk do të zhgënjejë nga rezultatet e punës.

Premtimet po mbahen, punimet po vazhdojnë me ritme të shpejta dhe Alabbar e tregoi këtë me vizitën që ka bërë në Durrës ku po kryhen punimet./ CNA





Lajmet e fundit nga