E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mero Baze zbulon frikën e Veliajt nga protesta dhe panikun që ka para prangave

23 Qershor 2024, 18:56, Politikë CNA

Mero Baze zbulon frikën e Veliajt nga protesta dhe panikun që ka para

Fotomontazh - Erion Veliaj dhe Mero Baze

Në një editorial të fundit, gazetari i oborrit të pushtetit, Mero Baze, i cili njihet si një armik i paepur i Sali Berishës, ka bërë një shërbim të fundit ndaj Erion Veliajt. Një shërbim, ndoshta joekonomik dhe financiar, por më shumë sesa mediatik dhe politik, na vlen sepse na tregon hallet e mëdha, panikun, frikërat e shumta që ka Erion Veliaj.

Mero Baze përpiqet të thotë se ka një debat brenda opozitës, duhet apo s’duhet të ketë një protestë përpara bashkisë, pas një shkrimi që ka bërë Andi Bushati.

Në fakt, nuk është debat brenda opozitës se çfarë thotë Andi Bushati.

Andi Bushati, foto e pubikuar nga gazetari

Andi Bushati është një gazetar i majtë, mbështetës i madh i ardhjes së Ramës në pushtet. Nuk e do, sepse Rama nuk është aq radikalist sa do Bushati. Bushati është armik i kapitalizmit, i biznesit e kështu me radhë. Nuk do kulla, është komunist në konceptin e zhvillimit të vendit dhe është në të drejtën e tij. Ndërsa, Mero Baze e quan “pjesë të opozitës” sepse Bushati, edhe pse pjesë e së majtës, është kritik me Edi Ramën.

Të jesh kritik me Edi Ramën, nuk do të thotë se je pjesë e opozitës. Gjithsesi, përtej kësaj, Mero Baze shfrytëzon shkrimin e Andi Bushatit dhe del me një editorial dhe shpik debat brenda opozitës, duhet apo s’duhet të vazhdojë protesta përpara Bashkisë së Tiranës. (Lexo këtu)

Debati shterpë për protestën

Nuk ka ndonjë debat në oborrin e opozitës, duhet apo s’duhet të ketë protestë në oborrin e Bashkisë së Tiranës apo te dera e saj. Patjetër!

Protesta në oborrin e Bashkisë së Tiranës, burimi LSA

E në qoftë se Andi Bushati është radikalist, duhet të thoshte se protesta duhet të jetë atje përditë, çdo 2 ditë, 5 ditë, një herë në javë, për t’i kujtuar çdo qytetari të Tiranës që kreu i organizatës së hajdutëve ndodhet aty brenda në institucion ende, dhe këtë e dinë të gjithë banorët e Tiranës, të gjithë qytetarët e Shqipërisë, se Erion Veliaj është një mashtrues publik, se drejtorët e tij janë hajdutë dhe janë kapur, dhe i mohoi hajdutët e tij, dhe është pronari faktik i inceneratorit të Tiranës.

FAKTET/ Pse Erion Veliaj shfaqet gjithmonë si pronari faktik i inceneratorit të Tiranës?
20 Maj, 15:10
Si i mbron Veliaj hajdutët
4 Maj, 16:01
Veliaj, kryetari i drejtorëve hajdutë
1 Prill, 11:43

Këtë e dinë të gjithë shqiptarët, por nuk shkojnë në protestë në 40 gradë. Nuk shkojnë se nuk pëlqejnë mënyrën se si impostohet kjo lloj proteste, pra, për faktin se dikush s’pëlqen që Berisha të lirohet, s’duhet të jetë politike e kështu me radhë, por që protesta është një kauzë e drejtë, ky është fakt. Dhe, ky është mjeti i opozitës. Protesta!

Dhe nuk po bën asgjë të keqe.

Se qytetarët kanë pakënaqësi ndaj kësaj opozite, individëve të saj, është diçka tjetër.

Fakti është që protesta duhet dhe do të qëndrojë atje. Ndaj, nuk ka debat.

Pse Mero Baze do që të hapë debat

Ajo që do të ngjizë Mero Baze është që ka një debat brenda opozitës dhe meqenëse paska një debat, sepse një pjesë i ka blerë Erion Veliaj, se dihet që i blen dhe i paguan, tani duhet të paguajë dhe këta “të tjerët”, që protesta të mbyllet. (Lexo këtu)

Mero Baze, foto e publikuar nga gazetari

Po, kur nuk e ka hall këtë protestën, përse duhet ta mbyllë?

Përse duhet t’i paguajë?

Po, kur këta kaq pak njerëz që protestojnë, me tym, qenkan kaq kot edhe nuk kanë asnjë peshë, pse duhet t’i largojë Erion Veliaj?

Pse është shqetësuar Mero Baze dhe lali Eri për këta 200 veta që dalin një herë në jave, atje te bashkia dhe hedhin ndonjë flakadan, kur nuk ka ndonjë peshë të madhe dhe përkundrazi, duke marrë në analizë fjalët e Andi Bushatit, mund të japin efekt të kundërt te SPAK-u, ta ndihmojnë Erion Veliajn në kauzën e tij sepse shumica e shqiptarëve e duan dhe ai duhet amnistuar.

Erion Veliaj, burimi LSA

Pra, me drejtësi populiste sepse Erion Veliaj po del me njerëz, sa me partinë, sa me klube sportive, po del po pastron si të shtunat e Enverit, me fshesë në dorë, Tiranën, edhe pse paguan 35 milionë euro. Thjesht që të tregojë se populli e do, ai punon për popullin dhe duhet të ketë drejtësi popullore, kur në fakt, njerëzit po protestojnë, drejtorët e tij hajdutë janë kapur dhe qytetarët kërkojnë të hetohet deri në fund Erion Veliaj. Çfarë e shqetëson Mero Bazen për të krijuar një lloj diversioni megjithëse ato që shkruan Mero në opozitë kanë efekt të kundërt në fakt, por kjo tregon hallin dhe frikën e vërtetë të Erion Veliajt. (Lexo këtu)

Veliaj, i frikësuar nga protestat

Editoriali i Mero Bazes tregon se Erion Veliaj ka frikë nga protestat. Edhe pse mund të jenë 200 mund të jenë 50 sepse janë 13, 14, 15 protesta, janë me qindra qytetarë, me mijëra të tjerë që kalojnë dhe pyesin pse është bllokuar trafiku, pse po vonohen, po protestojnë te bashkia. E di e gjithë Tirana që ka protestë te bashkia. Mund të mos shkojnë, mund ta ndjekin nga televizioni, jepet në çdo ekran, raportohet në lajme çdo ditë. Ka një protestë te bashkia dhe mbahet mend, nuk harrohet që atje brenda janë kapur drejtorët hajdutë dhe kryetari i organizatës së tyre është ende në detyrë dhe ka disa qytetarë të përgjegjshëm që shkojnë të protestojnë.

Erion Veliaj, burimi LSA

Kjo është e vërteta. Këtë kanë hall. Dhe, Erion Veliaj ka frikë se ai do që të mbyllë një zhurmë të madhe që mbyll një tjetër edhe më të madhe. (Lexo këtu)

Sa më e madhe të jetë harrohet e para.

Dhe, Erion Veliajt nuk po i mbyllet dot zhurma. Sa inceneratori, sa dosja “5D”, po i dalin familjarët, hetimi pasuror. Ç’të bëjë më përpara?! (Lexo këtu)

Dhe tani fillon dhe shpik skenarë dhe nxjerr editoriale me idenë se mund të mbyllë protestën, e cila vërtet e lënka pa gjumë Erion Veliajn dhe në fakt shkrimi nuk tregon gjë tjetër, por panikun që paska lali Eri nga SPAK-u dhe frikën e madhe dhe tmerrin që ka nga protesta e qytetarëve.

Ndaj dhe opozita tashmë duhet të reagojë edhe më fort.

Selia blu, burimi PD

Në qoftë se ishte një herë në javë duhet ta bëjë dhe dy herë ta bëjë dhe kombëtare dhe të jetë atje para bashkisë për ta rrethuar “miun në çark”.

Për t’i treguar se nuk ikën as nga diversionet me shkrime, as nga pazaret që ofrojnë, as nga kërcënimet që duan të bëjnë dhe drejtësi popullore nuk mund të ketë, drejtësia është atje te SPAK-u.

Lali Eri problemin e ka me drejtësinë dhe atje do ta marrë përgjigjen dhe aty do të qetësohen shpirtrat e qytetarëve. Atje do të mbarojë protesta, ditën që do të jepet vendimi dhe do të ketë një masë sigurie për Erion Veliajn./ CNA