web counter
LEXO PA REKLAMA!

SHKARKO APP

App Store
Google Play

E fundit!

x

Dosja “5D”/ GJKKO lë në burg 3 drejtorët hajdutë të Veliajt

24 Qershor 2024, 13:30, Aktualitet CNA
Dosja “5D”/ GJKKO lë në burg 3 drejtorët hajdutë
Fotomontazh- Mariglen Qato, Erion Veliaj, Redi Molla dhe Taulant Tusha

3 drejtorët e Bashkisë Tiranë, Redi Molla, Taulant Tusha dhe Mariglen Qato do të qëndrojnë në qeli. Gjykata e Posaçme rrëzoi sërish kërkesën e tyre për zbutje të masës së sigurisë.

Tushe, Molla dhe Qato u arrestuan në muajin mars të këtij viti me urdhër të Prokurorisë së Posaçme Antikorrupsion, pasi u zbërthye dosja “5D”.

3 drejtorët e Veliajt u lanë në masën “arrest në burg”, ndërsa në masën “detyrim paraqitje” u lanë drejtori i Drejtorisë së Transportit të Trafikut Rrugor në Bashkinë e Tiranës, Enton Punavija, Julian Zanaj, Albano Janku, administratori i kompanisë "5D", Nestor Muhamellari, Deborah Keçi dhe Englatina Zere.

Zyrtarët dhe ish-zyrtarët akuzohen për "Shkelja e barazisë së pjesëmarrësve në tenderë dhe në ankande publike” dhe “Korrupsioni pasiv i personave që ushtrojnë funksione publike”.

Nga hetimet e Prokurorisë së Posaçme ka rezultuar se Taulant Tusha teksa mbante postin si Drejtor i Përgjithshëm i Drejtorisë së Planifikimit të Punëve Publike dhe të anëtarit të Komisionit të Vlerësimit të Ofertave ka bashkëpunuar me Enton Punavijën, Drejtor aktual i Trafikut dhe Transportit në kryeqytet, Julian Zanajn funksionar pranë Prokurimeve Publike dhe Albano Jankun.

Këta të fundit si anëtarë të Komisionit të Vlerësimit të Ofertave, në disa procedura prokurimi, e kanë favorizuar dhe i kanë krijuar këtij subjekti tregtar "5D Konstruksion” sh.p.k. avantazhe dhe privilegje të padrejta në raport me operatorët e tjerë ekonomikë që kanë marrë pjesë në procedurat e prokurimit, duke e shpallur fituese të procedurës së prokurimit në mënyrë të parregullt dhe në shkelje të rregullave të prokurimit publik./ CNA





Lajmet e fundit nga