web counter
LEXO PA REKLAMA!

SHKARKO APP

App Store
Google Play

Pësoi hemorragji cerebrale/ Ndërron jetë poeti Agim Doçi

24 Qershor 2024, 07:53, Aktualitet CNA
Pësoi hemorragji cerebrale/ Ndërron jetë poeti Agim Doçi
Poeti i njohur, Agim Doçi

Poeti i njohur, Agim Doçi, ka ndërruar jetë në moshën 76-vjeçare.

Prej disa ditësh, ai ndodhej në gjendje të rëndë shëndetësore dhe po kurohej në Shërbimin Neurovaskular të QSUT-së, pasi të shtunën pësoi hemorragji cerebrale në kokë.

Lajmin e ka njoftuar këngëtarja Myfarete Laze në rrjetet e saj sociale.

“Lamtumirë Lamtumirë, Agim Doçi.
O pendë artë e vargut poetik e të kënduar në breza.
Te kjoftë dheu i lehtë ashtu si të lehtë, të bukur, e bëre jetën tonë, plot shpres, mençuri, dashuri, patriotizëm, vlera, duke skalite në mos harresë emrin Agim Doçi. Ashtu si trokite në çdo zemër me vargun tënd të kënduar. Lamtumirë Agim Doçi” shkruan këngëtarja e njohur Myfarete Laze në një postim në facebook duke shprehur ngushëllime familjarëve të tij’ Pushofsh në paqe me Zotin tënd’’, shkruan Laze.

Agim Doçi është autor i shumë teksteve të këngëve shqiptare, fituesi i mbi 50 çmimeve, ndër to dhe dy herë përfaqësues me tekstet e tij në Eurovizion.

Veçohet bashkëpunimi me kompozitorin Edmond Zhulali në shumë këngë të festivaleve në Shqipëri dhe me mbi 100 këngë për luftën e Kosovës. Ndër to mund të përmenden këngë shumë të njohura si "Marrshi i UÇK-së", "A vritet pafajsia"./ CNA





Lajmet e fundit nga