web counter
LEXO PA REKLAMA!

SHKARKO APP

App Store
Google Play

E fundit!

x

U zgjodh rektor i Universitetit të Korçës/ Ekonomi: Do të shndërrohet në model të kërkimit shkencor

24 Qershor 2024, 13:09, Aktualitet CNA
U zgjodh rektor i Universitetit të Korçës/ Ekonomi: Do të
Lorenc Ekonomi

Studentë dhe pedagogë, të premten kanë zgjedhur Lorenc Ekonomin si rektor të Universitetit "Fan S. Noli" të Korçës.

Këtë të hënë, ai u ka shprehur mirënjohjen atyre që e kanë votuar, ndërsa premton se do ta kthejë Universitetin e Korçës në model të kërkimit shkencor.

Ai tregoi sfidat dhe synimet që ka për drejtimin e Universitetit të Korçës.

“Jam këtu për të falënderuar të gjithë pedagogët, studentët, komisionerët, vëzhguesit, kandidatët që morën pjesë në zgjedhjet për universitetin tonë. Uroj të gjithë fituesit dhe falënderoj të gjithë ata që më uruan për fitoren e arritur.

Ne kemi shumë sfida përpara, ato do t'i kalojmë të gjithë bashkë, do të punojmë për t'i kapërcyer ato. Cilat janë sfidat? E para, universiteti ynë do të shndërrohet në një universitet evropian, me kërkim shkencor model dhe mësimdhënie moderne. Do punohet fort për ndërkombëtarizimin e universitetit. Do punohet fort për t'u bërë një faktor inteligjent në rajon, për të qenë sa më pranë tregut të punës dhe faktorëve të jashtëm publik dhe biznesit. Po kështu, studentët do të edukohen më së miri për të qenë të aftë të punojnë në tregun global për të mos u larguar nga vendi ynë, por për të qëndruar këtu dhe për të punuar në fushën e inteligjencës artificiale etj. që janë bashkëngjitur.

Do të ketë ndryshime, do të ketë degë të reja që kanë lidhje me aktualitetin e sotëm, me zhvillimet që ka marrë gjithë shoqëria globale. Degët ekzistuese do përforcohen, nuk do të ketë probleme me to. Këto do të rregullohen nga departamentet, ato do të vendosin se ç'do të bëjnë me degët. Të gjitha do t'i bëjmë së bashku, me të gjitha forcat”, theksoi Ekonomi./ CNA





Lajmet e fundit nga