web counter
LEXO PA REKLAMA!

SHKARKO APP

App Store
Google Play

Zhupa “bën për ujë të ftohtë” Alfred Pezën/ Ia numëron një më një shkeljet

24 Qershor 2024, 11:30, Aktualitet CNA
Zhupa “bën për ujë të ftohtë” Alfred
Leka Bungo dhe Alfred Peza, foto e shkëputur nga Komisioni i Medias

Deputetja e PD-së, Ina Zhupa, ia ka numëruar një më një shkeljet Alfred Pezës, drejtorit të RTSH-së.

Ajo është ndalur që te procedura e emërimit të tij, te shkarkimet masive të punonjësve në mënyrë të paligjshme, te abuzimet me fondet e deri te mungesa e transparencës.

Gjatë gjithë fjalës së Zhupës në Komisionin e Medias, Peza nuk tha asnjë fjalë, por qëndroi i heshtur përballë  fakteve.

“Je këtu se ta kërkon ligji! Je titullar i institucionit! Nuk na ke bërë nder që ke ardhur këtu, e kërkon ligji që të japësh shpjegime. Nuk keni bërë transparencë! Jeni RTSH e mbaheni me taksat e publikut dhe duhet të punoni për këtë gjë, jo vetëm për tallava. Nuk keni publikuar shpenzimet e festivaleve! S'keni reflektuar në asnjë moment vakancat që keni krijuar vetë me pushime të paligjshme nga puna.

Kur kandiduat në RTSH nuk keni dorëzuar formularin a keni qenë apo jo spiun në kohën e diktaturës? Keni mbajtur qëndrime politike në RTSH. Silleni në mënyrë të paligjshme, ashtu siç jeni zgjedhur. Keni pushuar profesionistë nga puna, që kishin mbi 30 vjet në RTSH”, tha Zhupa ndër të tjera./ CNA





Lajmet e fundit nga