web counter
LEXO PA REKLAMA!

SHKARKO APP

App Store
Google Play

E fundit!

x

Bungo shet si sukses dështimin/ Hesht për zhdukjen e sporteve nga RTSH-ja

24 Qershor 2024, 11:12, Aktualitet CNA
Bungo shet si sukses dështimin/ Hesht për zhdukjen e sporteve nga
Leka Bungo dhe Alfred Peza, foto e shkëputur nga Komisioni i Medias

Kryetari i Këshillit Drejtues të RTSH-së, Leka Bungo, ka raportuar këtë të hënë në Komisionin e Medias për veprimtarinë 1-vjeçare të televizionit publik.

Bungo lavdëroi punën e tij dhe të stafit të RTSH-së, duke injoruar shkeljet e njëpasnjëshme të denoncuara nga CNA, por edhe ato të evidentuara në raportin e KLSH-së.

Ai tha se “televizioni po pëson rritje në prodhim”, duke heshtur për programet sportive të zhdukura nga RTSH-ja.

Bungo nuk tha asnjë fjalë për faktin se RTSH ka humbur të drejtat e transmetimit të pothuajse të gjitha eventeve sportive dhe i vetmi i mbetur janë ndeshjet e Champions League gjatë këtij viti, pasi vitin tjetër nuk do të transmetohen më.

Gjithashtu, ai heshti edhe për humbjen e të drejtave të transmetimit të "Euro 2024".

“Përgjatë sezonit televizioni nga shtatori 2023 e që përfundon në korrik 2024, stafi i RTSH-së prodhon mesatarisht 120 programe në javë, me cilësi profesionale, gjithmonë e më të larta, si nga pikëpamja sasiore, ashtu edhe cilësore, si për nga forma, ashtu edhe nga përmbajtja, si për nga shumëllojshmëria, ashhtu edeh nga kujdesi për përmbushje të nevojave për të gjitha fashat ligjore.

Aktualisht 18 kanale televizive të rrjetit RTSH, 7 kanalet e radios dhe 3 kanalet 'online' janë rikthyer pas shumë vitesh në pistën e garës për audiencë përkrah mediave më të mira kombëtare private në Shqipëri. Gjithmonë e më shumë programe, kanale mediatike dhe produkte audiovizive po shkojnë më shpejt e më mirë drejt publikut shqiptar, të cilat po mirëpriten gjithmonë e më shumë”, theksoi kryetari i Këshillit Drejtues të RTSH-së./ CNA





Lajmet e fundit nga