web counter
LEXO PA REKLAMA!

SHKARKO APP

App Store
Google Play

E fundit!

x

“Plas” keq mes Alfred Pezës dhe Leka Bungos/ Debat i ashpër "live"

24 Qershor 2024, 12:12, Aktualitet CNA
“Plas” keq mes Alfred Pezës dhe Leka Bungos/ Debat i
Leka Bungo dhe Alfred Peza, foto e shkëputur nga Komisioni i Medias

Një debat i ashpër është regjistruar mes drejtorit të RTSH-së, Alfred Peza, dhe kryetarit të Këshillit Drejtues të RTSH-së, Leka Bungo, në Komisionin e Medias.

Peza hoqi nga vetja përgjegjësinë për mungesën e transparencës, ndërsa për largimet nga puna tha se punonjësit nuk kontrolloheshin dhe nuk paraqiteshin në punë.

Ai u shpreh se kur ka marrë drejtimin e RTSH-së e ka gjetur televizionin në zero.

Deklaratat e Pezës kanë tensionuar marrëdhëniet mes tij dhe Bungos. Ata debatuan me njëri-tjetrin në mbledhjen e komisionit, ndërsa Bungo deklaroi se Peza është përgjegjës për gjithçka.

Pjesë nga debati:

Bungo: Deklarata e drejtorit të përgjithshëm se gjatë 3 vjetëve e ka gjetur zero RTSH-në është jo vetëm jashtë logjike, është e incizuar.

Peza: 3 vjet?

Bungo: Po, po!

Peza: Si 3 vjet?

Bungo: Po, po, 3 vjet!

Peza: Unë nuk thashë fare.

Bungo: E përmende tani, e ke të incizuar. Ktheje mbrapsht!

Peza: Po ktheje pra, ktheje?!

Bungo: Ktheje mbrapsht! E ke të incizuar, siç ke të incizuar atë kur të kam thënë mos pusho njerëz nga puna se do fitojnë gjyqet e ti më ke thënë zero. Ti ke thënë s’ka fituar asnjë, unë po të jap dy emra që kanë fituar, njëri 30 milionë, tjetri 26 milionë.

Evis Kushi: Zoti Bungo faleminderit, po ia jap fjalën relatores.

Bungo: Atëherë Këshilli Drejtues paska qenë kot, erdhi ky të na shpëtojë ne?!

Peza: Jo, jo.

Bungo: Lëre humorin, si ai që bëhet Miss Shqipëria në Peqin! Lëre humorin!

Peza: Zoti kryetar, Miss Shqipëria mund të bëhet edhe në Elbasan…

Bungo: Jo po në Peqin nuk bëhet.

Peza: Zoti kryetar, ju jeni dhe racist…

Bungo: Jo, unë jam humorist./ CNA





Lajmet e fundit nga