E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

Meta i futet seriozisht blegtorisë/ Me kec në dorë, merr malet e Kurveleshit

23 Qershor 2024, 22:55, Politikë CNA

Meta i futet seriozisht blegtorisë/ Me kec në dorë, merr malet e

Kreu i PL-së, Ilir Meta. Foto e marrë nga rrjetet e tij sociale

Kreu i PL-së, Ilir Meta i është futur seriozisht blegtorisë dhe ka denoncuar qeverinë për braktisje të qytetarëve.

Me një kec në krahë, Meta ka marrë mallet dhe këtë të diel na është shfaqur në Nivicë të Kurveleshit.

Në një status në rrjetet sociale, ai thotë se në Nivicë është shfarrosur blegtoria si rezultat i mosmbështetjes nga shteti dhe shpopullimi.

Kreu i PL-së shkon më tej duke premtuar pagesë direkte për çdo kokë dele apo dhi e kec me 60 Euro.

Statusi i plotë:

Subvencionet në Shqipëri

1. Buxheti i shtetit 32 milion Euro

2. IPARD 0 milion Euro

Totali 32 milion Euro

Subvencionet në Maqedoninë e Veriut

Buxheti i shtetit 170 milion Euro

IPARD 100 milion Euro

Totali 270 milion Euro

Maqedonia e Veriut, një vend më i vogël se ne dhe me potencial zhvillimi më të vogël se Shqipëria e mbështet blegtorinë rreth 8.5 herë më shumë.

Partia e Lirisë e ka prioritet kryesor Bujqësinë dhe Blegtorinë dhe ne angazhohemi ta përmbysim këtë raport duke e financuar këtë sektor jetik për zhvillimin e vendit me 300 milion euro në vit dhe me indeksim progresiv në vitet në vazhdim.

Është e papranueshme që këtu në Nivicë të Kurveleshit një krahinë me tradita rekord të blegtorisë të konstatosh një trishtim të thellë për shfarosjen e blegtorisë si rezultat i mosmbështetjes nga shteti dhe shpopullimit.

Kurveleshi i traditave më patriotike dhe potencialit fantastik për turizëm për shkak të bukurive përrallore duhet të jetë vendi i ëndrrave të realizuara për Ergin që takova dhe fëmijët e tjerë.

Ndaj programi ynë konkret për blegtorinë synon pagesë direkte për çdo kokë dele apo dhi me 60 Euro për kokë për çdo fermë blegtorale me 30 krerë të imta, nga 12 Euro për kokë për fermat me mbi 100 krerë që është aktualisht.

Partia e Lirisë do të japë 10 MIJË EURO grant për krijimin e një ferme dhe do ta përjashtojë për 5 vite nga taksat dhe tatimet.

Në këtë mënyrë ne rritim mirëqenien e fermerëve shqiptarë dhe i japim familjes së Ergit të vogël që sot merret me blegtori mbështetje direkte për të ndërtuar e sigurt të ardhmen në Atdheun me 4 milion shqiptarë plus.

Mbështetja konkrete e bujqësisë dhe blegtorisë është jo vetëm me shumë leverdi ekonomike, por edhe detyrë patriotike për ndalimin e shpopullimit të krahinave më atdhedashëse të Shqipërisë./ CNA