LEXO PA REKLAMA!

SHKARKO APP

Kunata e Mirel Mërtirit rrezikon shkarkimin si prokurore/ ONM e përball me inceneratorët, KPK rihap hetimin

8 Dhjetor 2022, 15:30, Vetingu CNA

Kunata e Mirel Mërtirit rrezikon shkarkimin si prokurore/ ONM e

Komisioni i Pavarur i Kualifikimit ka njoftuar se seanca për shpalljen e vendimit për subjektin e rivlerësimit, znj. Mariola Mërtiri, e përcaktuar për t’u mbajtur në datën 7.12.2022, ora 9:30, nuk zhvillohet, pasi trupi gjykues ka vendosur të riçelë hetimin administrativ.
Ende nuk ka as datë dhe orë për seancën e radhës.

Emri i Mariola Mërtirit është i lidhur me inceneratorët.

Pasi njëri prej pronarëve të inceneratorëve dhe bashkëjetuesja e tij që janë në kërkim, janë familjarë të saj.

Bëhet fjalë për Mirel Mërtirin dhe Stela Gugallen.

Në seancën e datës 5 dhjetor, para KPK–së, siç ka raportuar më herët "BIRN", prokurorja Mariola Mërtiri, kunata e Mirel Mërtirit dhe Stela Gugalljes, ka mohuar se kishte kontakte të papërshtatshme.  

Ajo i tha KPK-së se njohjet e saj me kunatën kishin qenë të përcipta dhe lidheshin vetëm prej faktit se ajo ishte bashkëjetuese e vëllait të bashkëshortit të saj. Gjithashtu ajo ka mohuar se njihte Klodian Zoton dhe personat e tjerë të përmendur në aferë.

ONM “rrëzoi” Mërtirin

Kunata e Mirel Mërtirit rrezikon shkarkimin si prokurore/ ONM e

Operacioni Ndërkombëtar i Monitorimit i kishte paraqitur KPK-së gjetje në lidhje me kontakte të Mërtirit me një person të dënuar në Itali për shfrytëzim prostitucioni dhe trafik narkotikësh.

Sipas "BIRN", komisioneri Roland Ilia përmendi inicialet A.G. dhe V.Z. të personit në fjalë.

Ilia tha se Mërtiri nuk e kishte deklaruar këtë kontakt.

Sipas KPK, A.G., ishte personi që i kishte shitur Mërtirit dhe bashkëshortit të saj apartamentin në Fier për 4.5 milionë lekë në vitin 2011.

ONM kishte referuar po ashtu mbi lidhjet e subjektit me Klodian Zoton, Stela Gugalljan dhe Arenc Myrtezanin, dy të parët të shpallur në kërkim dhe i treti i arrestuar në atë që njihet si afera e inceneratorëve.

Raporti i ONM përfshinte edhe Mirel Mërtirin, kunat i subjektit, por KPK nuk i kishte kaluar barrë prove prokurores, duke qenë se SPAK nuk e kishte atë të pandehur në momentin e kalimit të barrës së provës./CNA.al

Lajmet e fundit nga