LEXO PA REKLAMA!

SHKARKO APP

E fundit!

x

Vettingu dështon në Prokurorinë e Tiranës?/ Reagon ashpër Rama

16 Nëntor 2022, 08:50, Vetingu CNA

Vettingu dështon në Prokurorinë e Tiranës?/ Reagon

“Vettingu, do të pastrojë sistemin e drejtësinë. Më mirë djepin bosh se sa shejtanin brenda”.

Këto janë disa nga deklarata e kryeministrit Edi Rama, në nisjen e procesit të rivlerësimit për gjyqtarit dhe prokurorët por edhe gjatë procesit.

Por, sipas deklaratave të fundit të Ramës, ky process duket se ka dështuar.

Pasi për të dytën herë brenda pak ditëve, kryeministri Edi Rama ka sulmuar, Prokurorinë e Tiranës.

Sipas Ramës, organi i akuzës amniston rastet e mëdha për ndërtimet e paligjshme, duke u justifikuar me dënime për ata që ndërtojnë në pronën e tyre.

Duke iu referuar rastit të dënimit të poetes Mimoza Ahmeti, Rama, ka thënë se reagimi i Prokurorisë të bën të vjellësh.

“Pas një këngëtari ja edhe një poete, që dënohet me zell nga pikërisht Prokuroria e Tiranës, ku dosjet e denoncimeve nga organet shtetërore për ndërtime të paligjshme për qëllim fitimi apo për evazion fiskal me miliona USD dhe për pastrim të miliona USD, flenë të patrazuara!

Patjetër që çdo ndërtim pa leje është i dënueshëm me ligj, po zelli milimetrik në dënimin e atyre që e shkelin ligjin në pronën e tyre të bën për të vjellë përballë mosveprimit sistematik të Prokurorisë së Tiranës ndaj atyre që për qëllime fitimi bëjnë shkelje kilometrike”- shkruan Rama./CNA.al

Lajmet e fundit nga