web counter
LEXO PA REKLAMA!

SHKARKO APP

App Store
Google Play

KPA-ja kërkon shpenzime luksi/ Bykykbashi:A janë të domosdoshme kostot e larta në kohë krize

3 Nëntor 2022, 11:59, Vetingu CNA

KPA-ja kërkon shpenzime luksi/ Bykykbashi:A janë të domosdoshme

Kryetarja e Komisionit të Apelimit, ka raportuar sot para Komisionit të Ligjeve në lidhje me buxhetin e vitit 2023.

Shtylla ka kërkuar 7 milionë lekë.

“Sa i përket vlerës për të gjithë personelin e kolegjit është një vlerë prej 7 milionë lekësh viti. Duke dashur të mbroj një të dhënë personale, më besoni që ka pasur raste dhe vazhdon të ketë. Ligji nuk ka paraparë cenim jete për çështje të shëndetit. Unë them që ka pasur dhe ka në mënyrë të vazhdueshme. Pra ne mendojmë që është i domosdoshëm për të krijuar qetësinë, të paktën të kenë të qetë pjesën tjetër të jetës së tyre në drejtim të shëndetit”, ka thënë Shtylla.

Por sipas deputetit të PD-së, Oerd Bylykbashki, në këtë kohë krize, kjo shifër është e lartë.

“E keni ende atë buxhet në shpenzimet tuaja për sigurimin e jetës dhe të shëndetit. Sa është kjo vlerë. Në dijeninë time jeni të vetmet institucione që keni trajtim preferencial pavarësisht sa është buxheti me kushtet e vështira që kemi ne dhe duke konsideruar që bëni punë të vështirë, por jo me shumë rrezik se edhe institucione të tjera, përse ëshë e nevojshme të vazhdojë ky fond, është e rëndësishme në kushtet e vështirësisë që kemi, vend për luks nuk kemi. Në gjykimin tim një shpenzim i tillë është luks dhe në dijeninë time nuk ka pasur asnjë moment që ka cenuar shëndetin dhe jetën e anëtarëve të dy trupave. A gjykoni që është e nevojshme për t'u hequr kjo dhe këto para të kalohen për shpenzime të tjera , pra dua të di shifrën sa është parashikuar?”, është shprehur Bylykbashi.

 

 





Lajmet e fundit nga