web counter
LEXO PA REKLAMA!

SHKARKO APP

App Store
Google Play

E fundit!

x

Nga Zvërneci në Sharrë/ Kur ambientalistët zbulojnë inceneratorët

8 Qershor 2026, 09:22, Editorial CNA
Nga Zvërneci në Sharrë/ Kur ambientalistët
Foto ilustruese, landfilli i Sharrës dhe protesta në Portonovë

Një grup ambientalistësh, disa banorë, por edhe disa neomarksistë dhe anarkistë, shkuan paraditen e djeshme në Portonovë të Zvërnecit për të zhvilluar një protestë. Në fakt, disa shkonin për herë të parë, që të shikonin flamingot.

Megjithëse atje nuk ka flamingo. E gjithë historia me to, është një manipulim përmes përmbajtjeve që publikohen në rrjetet sociale. Pavarësisht kësaj, ambientalistët dhe të tjerë ushtruan të drejtën e tyre legjitime, u futën me makina në rërë për të bllokuar plazhin, e shijuan dhe u larguan.

Nga Zvërneci në Sharrë/ Kur ambientalistët
Protesta në Portonovë

Ata që shkonin udhëtonin nga Tirana drejt Zvërnecit, rrugës në të majtë të tyre kanë lënë Sharrën apo në të djathtë kur kanë ardhur. Andej nga kanë kaluar kanë qenë afër landfillit të Sharrës, ku ka ndodhur një aferë korruptive qindra milionë euro dhe ku inceneratori famoz nuk ekziston.

Sharra është zona që po rrezikon Tiranën, katastrofa mjedisore është aty. Zjarret që kanë ndodhur në landfillin e Elbasanit, Fierit apo Vlorës, nuk janë asgjë krahasuar me “bombën atomike” që ndodhet në landfillin e Sharrës.

Ambientalistët që shkojnë dhe protestojnë në Zvërnec, disa janë nga ata që e donin kështu Sharrën, shumë prej tyre u paguan nga “kokat” e këtij projekti, Mirel Mërtiri dhe Klodian Zoto.

Tirana ka një “bombë” mjedisore shumë afër qendrës së saj dhe është pikërisht landfilli i Sharrës.

Këta ambientalistë që dje shkuan në Zvërnec, por edhe shumë të tjerë që protestojnë, nuk kanë shkuar ndonjëherë në Sharrë. Nuk i shohim të protestojnë aty ku rrezikohet jeta e qindra mijëra banorëve të kryeqytetit.

E nëse ka një protestë që duhet të fillojë dhe nuk duhet të ndalet derisa të zgjidhet problemi, sepse rrezikon jetën e fëmijëve dhe banorëve të kryeqytetit, është pikëtisht landfilli i Sharrës.

I vjedhuri landfill i Sharrës, simbol i korrupsionit!

Ka një hetim për landfillin e Sharrës, që ndodhet në duart e prokurorit Dritan Prençi, i cili është një arsye më shumë për të protestuar jo përpara Kryeministrisë, as në landfill, por përpara SPAK-ut.

Ambientalistët tanë që gënjyen kur thanë se ka flamingo në Zvërnec apo do të bëheshin kulla me shumë kate e po dëmtohej një zonë e mbrojtur, pse nuk u tregojnë banorëve të kryeqytetit, Kamzës, Vorës dhe më gjerë katastrofën mjedisore në Sharrë?!

Pse këta ambientalistë nuk i shohim të nxjerrin një parullë të vetme në protestë për Sharrën?

Pse nuk dalin publikisht të flasin për aferën dhe landfillin e Sharrës?

Për një katastrofë të re në derën e kryeqytetit, ku qindra firma ndërtimi nuk dihet ku i hedhin dherat e gropave të kullave të tyre. Landfilli i Sharrës rrezikon një kryeqytet të tërë. Tiranën e ruan Zoti!

Ambientalistët shkojnë dhe protestojnë, ose nuk duan një investim të huaj në Zvërnec ku bëhet fjalë për 4 miliardë euro, por nuk protestojnë për koncensionin, landfillin e rrezikshëm dhe inceneratorin e munguar të Tiranës, për të cilat u vodhën qindra milionë euro nga njerëz që morën paratë nga xhepat e shqiptarëve.

E nëse ka një rast korrupsioni, skandali dhe vjedhjeje dhe rreziku për jetën e kryeqytetasve, emrin e ka “Landfill i Sharrës” dhe jo “Investimi në Zvërnec", por duket se ambientalistët zgjedhin të protestojnë para Kryeministrisë, ku nuk guxojnë të përmendin aferën e inceneratorëve.

Ambientalistë pa sy e veshë, le të mos i futim të gjithë në një thes, por shumica e tyre për krimin e vërtetë mjedisor nuk shohin dhe nuk flasin, sepse shumë prej tyre që u blenë nga afera e incenaratorëve dje, përdoren si mercenarë kundër një investimi sot./ CNA

 





Lajmet e fundit nga