web counter
LEXO PA REKLAMA!

SHKARKO APP

App Store
Google Play

Morali që vjen nga “shtëpia publike” e Mero Bazes

19 Maj 2026, 13:55, Editorial CNA

Morali që vjen nga “shtëpia publike” e Mero Bazes

Në një nga shkrimet e tij, kuptohet me pagesë, me porosi, që vijnë ndër vite nga vëllai i kryebashkiakut Erion Veliaj, nga qeveria, nga kompanitë që kanë përfituar koncesione, Mero Baze u mor në thelb, thjesht dhe vetëm me një moral. Morali që mund të bëjë “një prostitutë e përjashtuar nga shtëpia publike për imoralitet”.

Mero Baze, i cili “ka” shumë moral, në fakt, në shkrimin e tij rendit tre lloj moralistësh.

Në moralin e parë, sipas Meros, janë mediat e paguara nga të njëjtat programe OJQ që financojnë marrëdhëniet publike të SPAK-ut dhe GJKKO-së. Në fakt, OJF-të dilnin të Ajolës dhe njerëzve në qeveri apo miq të Bazes. Nuk themi kot i ka filluar demenca se nuk di se çfarë shkruan, harron ose bën sikur harron, pas pagesës dhe shërbimit që i duhet të bëjë për një shukë lekësh.

Mero nuk duhet të lodhet shumë t’i gjejë e t’i denoncojë me fakte dhe prova këto OJF-të, s’e pengon kush.

E kupton i shkreti, është bërë për të qarë hallin, po çfarë të bëjë. Ai e di mirë që të mbrosh vendimet e gjykatave dhe të mbështesësh luftën ndaj korrupsionit dhe krimit nuk është moral që bëhet me pagesë nga OJF-të. Faktet e provat janë aty, pavarësisht se Mero nuk i shikon dot, se sytë i ka të nxirë nga paratë që ka marrë nga gjithë shpura e të korruptuarve nën hetim, në arrestim apo të dënuar.

Një nga propagandat më bajate me pagesë të këtyre moralistëve të Reformës në Drejtësi, dhe këtë e shkruan vetë kur, në fakt, më mirë se kushdo e ka bërë Mero. Reformën e ka bërë kjo mazhorancë, Mero është ushtar i kësaj mazhorance dhe pa asnjë diskutim më i paguari nga kjo mazhorancë dhe të korruptuarit e saj.

Te morali i dytë Mero Baze rendit Sali Berishën dhe sulmet e tij ndaj SPAK-ut dhe Altin Dumanit. Këtu hyn edhe vetë Mero, i cili ka bërë, me pagesë kuptohet, ato që bën ati i tij shpirtëror, Sali Berisha, ditë pas dite. Që nga momenti kur u arrestua Veliaj s’ka lënë prokuror pa sulmuar dhe akuzuar pa asnjë fakt, më keq se Saliu.

Këtu janë njësoj. Sulmon Altin Dumanin apo Ols Dadon, mbron Veliajn dhe Beqajn. Ku ndryshon Mero nga Saliu në këtë pikë? Askund! Nxënësi më i keq i Saliut, aq i keq sa katandisi si mbetje mediatike shumëpërdorimshe e Veliajt.

Sulmi ndaj prokurorëve, pra akuzës dhe gjykatësve, i bërë nga Baze, nuk është gjë tjetër veçse mbështetje ndaj krimit dhe korrupsionit, në të dyja Mero ka tentakulat e tij.

Në fakt, Mero ka qenë një produkt i Sali Berishës dhe u mendua se do të merrte formën e Edi Ramës, pasi dështoi në ato dy rrugë zgjodhi të merrte thuajse formën e Erion Veliajt, që vetëquhet zdroms. Ndoshta diçka i ka afruar shumë, Mero qelbte erë në korridoret e PD-së, formë unike.

Grupi i tretë i moralistëve, sipas Meros, janë këta që shajnë e mallkojnë “Top Channel”-in pse i ka ofruar Mirlinda Karçanajt intervistë. Këtu hyn sërish vetë Mero, i cili ndryshe flet e ndryshe shkruan. Ky që deklaron se bëri gabim që doli, pse shqetësohet për daljen e saj? Apo nga AKSHI dhe segmentet e saj që është paguar, tani s’i vijnë më pagesa. Nuk ka as hallin e Mirlindës, as të OJF-ve, ka hallin e lekëve, sulmet dhe akuzat me ato qëllime i bën. Rasti i zyrave të tij është fakti.

Më tej akuzon se prokurorët dhe gjyqtarët paguajnë mediat. Se si mund të paguajnë SPAK-u dhe GJKKO-ja media, gazetarë e portale këtë duhet ta nxjerrë Mero, të na e tregojë. Në fakt, s’ka faj se ai është mësuar vetëm me pagesë e kusur poshtë tavoline. Ulsiu i shkretë që s’i dha gjë ngeli në editoriale duke e mallkuar edhe me vdekje në familje. Kush sulmohet nga Mero në hallakatjet e tij që s’ia lexon kush, thjesht nuk e ka paguar.

Se të mbështesësh drejtësinë në betejë kundër krimit dhe korrupsionit nuk ka nevojë të paguhesh. Është thjesht dhe vetëm të bësh detyrën, por s’ka se si ta kuptojë dikush që punon vetëm me pagesë, dhe tani që ka faktorë të tjerë mediatikë që se pj*rdhin më dhe pesha e tij në treg është më e ulët se kurrë, vjen vërdallë të mbajë fort pagesat mujore nga aferat e qeverisë.

T’i përgjigjesh Mero Bazes për shkrimet e tij me pagesë për interesa klienteliste korruptive ndoshta s’ia vlen fare, pasi duhet lënë aty në vetminë e tij si një nga të mjerët e shumtë të propagandës së pushtetit.

Mero është mësuar të qëndrojë në monolog, të sulmojë politikanë, SPAK-un, prokurorë, gjyqtarë, zyrtarë, etj., duke menduar se po bën propagandë e do të paguhet, por, siç e thamë më lart, tani s’e pj*rdh më kush.

Dosjet, dokumentet, materialet hetimore që akuzon Mero dalin nga avokatët e të pandehurve dhe bëjnë një përzierje të medieve për interesat e tyre. Ka medie që sulmojnë ministrat për interesa të caktuara, siç është rasti i Irfan Hysenbelliut. Ka edhe medie si puna e Meros që i marrin në mbrojtje për interesat korruptive të pagatorëve. Ndaj, është shumë e thjeshtë.

Sulmet banale me pagesë që vijnë nga “shtëpia publike” mediatike, e dirigjuar nga burgje, me para korrupsioni dhe aferash, janë skemë për të shpëtuar nga drejtësia të korruptuarit dhe krimin. Mero Baze ka zgjedhur prej vitesh të jetë pjesë e kësaj “shtëpie publike” mediatike.

Të tria apo më shumë llojet e moraleve të Meros janë si ajo prostituta që bën moral, pasi është përjashtuar nga bordelloja për imoralitet. I tillë është çdo moral i Meros./CNA

 





Lajmet e fundit nga