Cili i afërm i vdiq avokatit të Carlo Bollino-s dhe Erion Veliajt?

15 Prill 2026, 12:31, Editorial CNA

Në Gjykatën Penale të Tiranës, një ditë më parë, rreth orës 13:00, do të zhvillohej seanca e disatë e paspadisë së Carlo Bollino-s ndaj deputetit demokrat Belind Këlliçi dhe anëtarit të Këshillit Kombëtar të PD-së, Jamarbër Malltezi.

Në të njëjtën ditë, 30 minuta më vonë, po në Gjykatën Penale do të zhvillohej seanca gjyqësore e shtetasit Carlo Bollino ndaj CNA Media.

Zvarritja e seancave/ Këlliçi: Leçjani Carlo Bollino i shmanget gjyqit që ka iniciuar vetë
14 Prill, 15:13

Por çfarë ndodh?

Avokati i Carlo Bollino-s, që çuditërisht është edhe i Erion Veliajt, nuk është paraqitur në asnjërën nga seancat gjyqësore në Gjykatën Penale të Tiranës.

Justifikimi në të tria rastet, kjo e konfirmuar nga CNA, ka qenë se avokatit të Bollino-s, Aranit Roshit, i ka ndërruar jetë një familjar i afërm.

Siç theksuan avokatja Adriana Kalaja, po ashtu dhe avokatja Brikena Kasmi, të tilla raste janë të prekshme dhe gjithkush është i justifikuar.

Pse Carlo Bollino u fshihet gjykatës dhe padive që bën vetë
14 Prill, 15:24

Por çfarë ndodh me avokatin e Carlo Bollino-s dhe Erion Veliajt, Aranit Roshi?

Sipas të dhënave zyrtare që CNA ka mundur të sigurojë, avokati Aranit Roshi, i studios ligjore të Fatmir Brakës që drejton Dhomën e Avokatisë së Tiranës dhe kreu i Avokatisë është famozi Maks Haxhia, po në të njëjtën ditë ku kishte gjyqet me Belind Këlliçin, Jamarbër Malltezin dhe CNA Media, rreth orës 15:15 ka qenë prezent në Gjykatën Civile të Tiranës për një tjetër çështje.

Pra, i njëjti avokat që i ka ndërruar jetë një familjar i afërt dhe nuk paraqitet në orën 13:00, 13:30 apo 14:00 në gjyqet ndaj CNA Media, Belind Këlliçit, Jamarbër Malltezit apo të tjerëve, paditë e bëra nga Bollino, Erion Veliaj e të tjerë, shkon një orë më vonë në Gjykatën Civile të Tiranës.

Provat janë atje: në kamera, në seancën e gjyqit që është zhvilluar te Gjykata Civile. Dhe dokumenti është atje, në Gjykatën Penale, ku është çuar në disa seanca të ndryshme nga i njëjti avokat, nga ai i Bollino-s dhe ai i Erion Veliajt, Aranit Roshi.

Çfarë halli ka avokati i Carlo Bollinos dhe Erion Veliajt që i shmanget gjyqeve duke thënë se ka vdekje?
14 Prill, 17:24

Si qëndron e vërteta, cili i afërm i vdiq avokatit Aranit Roshi?

Cili i afërm i vdiq avokatit të Carlo Bollino-s dhe Erion Veliajt?

Avokati Aranit Roshi

Avokati Aranit Roshi duhet të bëjë një sqarim publik për të sqaruar se si qëndron e vërteta, cili i afërm i tij ndërroi jetë dhe pse në të njëjtën ditë, në seancat në Gjykatën Penale, nuk u paraqit, ndërsa një orë më vonë u paraqit në seancën në Gjykatën Civile?

Çfarë ka ndodhur?

Avokati i Carlo Bollino-s dhe Erion Veliajt, Aranit Roshi, duhet të dalë të sqarojë publikisht për rastin, pasi, ose ka mashtruar drejtësinë dhe gjykatën, ose ka pasur një rast mortor që ka vazhduar deri në orën 14:00 dhe në orën 15:00 ka shkuar në seancën në Gjykatën Civile.

Kur ndërron jetë një i afërm nuk shkohet në gjyq, por respektohet i ndjeri.

Por avokati i Bollino-s, Aranit Roshi, deri në mesditë ka respektuar rastin familjar, ndërsa pasdite zgjodhi të shkonte në gjyq në Gjykatën Civile për një tjetër çështje dhe jo në Gjykatën Penale ku kishte seancat për paditë e tjera.

Avokati Aranit Roshi duhet të sqarojë si qëndron e vërteta dhe pse u shmanget gjyqeve dhe padive të bëra vetë nga klienti i tij, në këtë rast Carlo Bollino./ CNA