web counter
LEXO PA REKLAMA!

SHKARKO APP

App Store
Google Play

Strategji apo matematikë?!/ Erion Veliaj flet, Ilir Beqaj kursen vite

27 Mars 2026, 18:56, Editorial Elvi FUNDO

Në paraburgim, mesa duket maskat bien më shpejt se në çdo fushatë!

Kryebashkiaku i arrestuar i Tiranës, Erion Veliaj duket se ka mbetur ende me modelin e tij të zakonshëm: "komunikim, narrativë, kohë".

Gjykimi i zakonshëm për Veliajn nuk është thjesht procedurë; është një skenë ku ai mendon se loja fitohet duke e zgjatur, duke e komplikuar, duke e mbajtur pezull.

Erion Veliaj hyri në sallën e gjyqit me strategjinë e atij që mendon se kohën e ka është aleat. Gjykim i zakonshëm, procedura të gjata, shtyrje, ritëm i ngadaltë.

Një lloj basti që, po e zgjati mjaftueshëm "ndeshjen", ndoshta publiku harron rezultatin! Një refleks politik, më shumë sesa juridik.

Por drejtësia nuk është fushatë. Nuk ka audiencë për t’u bindur, ka vetëm rezultat për t’u dhënë.

Dhe pikërisht aty, ish-ministri i Shëndetësisë Ilir Beqja, bën diçka që në këtë kontekst duket pothuaj cinike në thjeshtësinë e vet: heq dorë nga “historia” dhe zgjedh shifrën. Gjykim i shkurtuar. Ulje dënimi nëse shpallet fajtor. Llogari e mbyllur. Asnjë iluzion, asnjë retorikë. Kontrasti është brutal.

Njëri sillet sikur realiteti mund të negociohet me kohën, ndërsa tjetri kërkon të minimizojë realitetin sa më shpejt.

Dhe ndoshta ky është momenti kur diferenca nuk është më politike, por instinktive. Erion Veliaj duket sikur ende beson se mund të menaxhojë perceptimin e një procesi penal. Ilir Beqja duket sikur e ka pranuar që procesi penal e menaxhon atë.

Ironia është pothuaj didaktike.

Veliaj po sillet sikur është në një betejë politike ku rëndësi ka perceptimi. Beqja po sillet siç duhet të sillet në një proces penal ku rëndësi ka rezultati.

Strategji apo matematikë?!/ Erion Veliaj flet, Ilir Beqaj kursen vite
Në foto: Ilir Beqaj dhe Erion Veliaj (2015)

Në fund, cinizmi i vërtetë është ky: nuk fitohet duke folur më gjatë për atë që ndodh, por duke ulur koston e asaj që do të ndodhë.

Dhe ndërsa i pari vazhdon të investojë tek koha, tjetri ka kaluar te bilanci. Njëri duket sikur ende po flet për “strategji”, ndërkohë që tjetri ka kaluar tek matematika bazë: sa vite hyn, sa vite del.

Zakonisht, në fund, nuk fitojnë ata që bëjnë më shumë zhurmë, por ata që bëjnë llogaritë më të sakta.

Pra, njëri po luan për “imazh” dhe ndoshta për kohë televizive, tjetri për llogaribërje penale.

Nëse kjo do ishte garë, Erion Veliaj është ai që bën xhiro rreth stadiumit për të treguar formën, ndërsa Ilir Beqaj është ai që shkon direkt te tabela e pikëve dhe bën llogarinë./CNA





16:05 Editorial

PD-ja e Mero Bazes

Mero Baze ka filluar të jetë pjesë e grupit të strukturuar...

20:59 Editorial

Të ikë Saliu!

Ka një tezë të përdorur rëndom, kryesisht nga “mendjet e m...

Lajmet e fundit nga