web counter
LEXO PA REKLAMA!

SHKARKO APP

App Store
Google Play

E fundit!

x

Rasti i mesazheve në KLP, si rast kriminal

24 Mars 2026, 14:22, Editorial CNA
Rasti i mesazheve në KLP, si rast kriminal
Foto ilustruese

Emisioni investigativ "Stop" në TV Klan, dje ka transmetuar disa mesazhe, në lidhje me anëtarin e KLP-së, Olger Eminajn.

Në momentin e parë kur shikon mesazhet, direkt thua: një zyrtar i lartë ka shfrytëzuar një person, pra në këtë rast një femër, që të kenë marrëdhënie seksuale, që ai t’i bëjë një nder, e të tjerë. Perversitete, akuza, shpifje, sulme, shpërthime.

Në fakt ky është rast që duhet parë me gjakftohtësi.

Jo për të marrë në mbrojtje anëtarin e KLP-së, por duke e parë çështjen, mesazhet dhe komunikimin, lindin shumë pikëpyetje.

Së pari ky material që u publikua kishte kohë që qarkullonte, sipas atyre që thuhet në media dhe shumë tv apo portale nuk e kanë nxjerrë.

Në fakt, ha diskutim duhej nxjerrë apo jo, por ishte zgjedhja e Saimirit, Gentit, e stafit të “Stop”-it që të bënte publikimin e atyre mesazheve apo e atij lloj denoncimi.

Pyetjet që lindin janë të thjeshta por e para dhe më e rëndësishmja është:

A e ka favorizuar anëtari i KLP-së, zonjën e cila në fakt ka shitur jetën private dhe nuk dihet për çfarë kostoje?

Të paktën nga mesazhet që kemi parë deri në këto momente, nuk duket që ai t’i ketë bërë një favor zonjës në fjalë.

Pjesa tjetër, se çfarë bëjnë në zyrë, mesazhet erotike, stër-erotike, perverse, janë punët e të rriturve, bëjnë çfarë të duan.

Që personi të quhet fajtor apo nëse do të kishim të bënim me rastin “Safet Gjici” apo me raste të tjera, duhet që zonja të kishte përfituar nga anëtari i KLP-së.

Pra, në rast se ai do t’i thoshte: “Unë do të bëj këtë raport për prokuroren që ti e sulmon, që e akuzon, vetëm hajde të bëjmë marrëdhënie të dy” ose “Eja se unë do të të bëj këtë nder ose do të bëj atë favor”, atëherë do të kishim të bënim me një rast skandaloz, me shfrytëzimin e detyrës për të marrë favore seksuale.

Komunikimet deri tani nuk nuk na tregojnë, që anëtari i KLP-së t’i ketë ofruar zonjës në fjalë ndonjë favor apo përfitim për të kryer marrëdhënie.

Këtu sërish lindin disa pikëpyetje:

Së pari, cila është kjo zonjë e cila këtë radhë po merr rolin e viktimës dhe po akuzohet vetëm anëtari i KLP-së, kur në fakt duhen vënë në balancë, në peshore të dy?

Kjo zonjë ka ekspozuar jetën e saj personale.

Për çfarë? Për një prokurore dhe më pas ka shkuar te një anëtar i KLP-së? Pasi ka qenë e kallzuar si përndjekëse nga ish-burri? A ka provokim të kësaj zonje ndaj këtij anëtari të KLP-së?

Mund të ketë qenë edhe një provokim nga kjo zonjë për një qëllim të caktuar, pra për ta tërhequr në të tilla mesazhe, për ta futur në një kurth, për ta shantazhuar që të godiste prokuroren dhe në rast se nuk do ta bënte, do të merrte jepte goditje kujt të mundej në rastin konkret një antari të KLP.

Ky është një dyshim, por këtu kemi të bëjmë me një akt kriminal, me një vepër penale në rast se e gjitha është e stisur me një qëllim për të goditur një anëtar të KLP-së, për të bërë një “skandal” me një qëllim.

Rasti i mesazheve në KLP, si rast kriminal
Foto ilustruese

Një skandal që mund të vijë nga prokurorë, nga avokatë, nga shoqata që shpallen që drejtohen nga mashtrues, gjobaxhinj, njerëz që mbajnë licencë avokati dhe janë dënuar për mashtrim, apo të tjerë gjobaxhinj, njerëz në hetim për vepra të rënda penale.

E në rast se janë një grup bashkëpunëtorësh, përfshi këtu edhe prokurorë të larguar nga detyra, që kanë stisur, menaxhuar, paguar apo vepruar kundër anëtarit të KLP-së duke përdorur zonjën apo zonja duke u përdorur prej tyre, kemi të bëjmë me një vepër penale, me një akt kriminal me një grup kriminal.

Jo për ta mbrojtur zyrtarin e KLP-së, të gjithë të jenë të qetë.

Ka një shkelje të qartë etike, por kjo është për t’u analizuar në çdo detaj, jo thjesht dhe vetëm në mesazhet që u publikuan.

-A ka paguar dikush para te kjo zonjë që të ekspozojë jetën dhe të publikojë këto mesazhe?

-Ku i ka çuar këto mesazhe përpara se t’i çonte vetë në redaksinë e emisionit?

-Kush i ka bërë denoncimet?

-Pse u fshehën kaq kohë?

-Cili është qëllimi final?

Pyetja është shumë e thjeshtë: a ka pasur një provokim?

Në rast se ka pasur provokim dhe zyrtari ka rënë pre, ka një shkelje etike, është përgjegjësia e tij dhe do të shkojë para ligjit.

Por në rast se ai nuk i ka kthyer zonjës asnjë favor, por thjesht kanë ngelur komunikime provokative, të qëllimta nga zonja e cila po shitet si një “engjëll e viktimë”, kur në fakt është një individ jo pak problematik, sepse rezulton që është paditur ngaish-bashkëshorti për përndjekje, më pas rezulton që është konfliktuar egërsisht me prokuroren e Tiranës, atëherë si qëndron e vërteta? A ka pasur të drejtë prokurorja? A është kjo zonjë një njeri problematik në qasjen që ka edhe në marrëdhënie ndaj bashkëshortit, edhe me atë çka kërkonte nga drejtësia?

Pasi së pari është përndjekja ndaj bashkëshortit, më pas goditet prokurorja, tani goditet një anëtar i KLP-së.

-A janë të stisura?

-A janë përfshirë avokatë në këshillim?

-A janë përfshirë avokatë të dënuar si mashtrues?

-A janë përfshirë individë të ndryshëm në pagesa apo prokurorë të larguar nga detyra siç e theksuam më lart?

Rasti i anëtarit të KLP-së duhet peshuar me gjakftohtësi

Rasti i mesazheve në KLP, si rast kriminal
Publikimi i mesazheve ne emisionin investigativ Stop

Nuk mund të merren thjesht ato mesazhet (me sa kemi parë deri tani) dhe direkt të kryqëzohet dikush. Ka shkelur ligjin, ka shkelur etikën, ka vepër penale? Këto mbeten për t'u parë. Por nga sa kemi parë nga mesazhet, vepër penale të mirëfilltë nga mesazhet e publikuara deri tani nuk ka në atë rast, sepse duket qartë: ai s'i ka ofruar asgjë asaj zonje.

Po ta shohim me syrin kritik, nuk duket që anëtari i KLP-së t'i ketë premtuar asaj asgjë në këmbim të favorit seksual.

Një marrëdhënie midis dy të rriturve që komunikojnë është normale, por kur njëra palë provokon me një qëllim të caktuar për të goditur një anëtar të KLP-së, është krim.

Kur pala tjetër që është anëtar i KLP-së e tërheq pas vetes duke i ofruar shpërblime për shkak të detyrës, edhe kjo është një vepër penale, është kriminale.

Por në rast se ky i dyti nuk i ka dhënë asgjë zonjës, por ajo është një personazh problematik dhe mund të jetë përdorur nga persona të tretë për qëllime të caktuara, atëherë kemi të bëjmë me një krim.

Çështja duhet hetuar jo vetëm nga ana e anëtarit të KLP-së, por edhe nga ana e zonjës që ka shitur emrin, karrierën për disa mesazhe që janë të vjetra, që i përkasin një kohe tjetër dhe që bëhen skandal në një moment tjetër.

Pra, çështja me pak fjalë duhet hetuar nga të dyja anët, nga fillimi në fund, për të parë të vërtetën dhe jo të nxirret mitralozi për të kryqëzuar një individ që dikush mund ta ketë halë në sy për të tjera halle dhe probleme, të cilat nuk fillojnë dhe përfundojnë tek shoqatat e mashtruesve dhe gjobaxhinjve në media apo prokurorëve të larguar nga detyra.

Jo, është përtej, ka interesa të tjera që mund të jenë dhe kriminale. Pra, kjo duhet hetuar./ CNA





16:05 Editorial

PD-ja e Mero Bazes

Mero Baze ka filluar të jetë pjesë e grupit të strukturuar...

20:59 Editorial

Të ikë Saliu!

Ka një tezë të përdorur rëndom, kryesisht nga “mendjet e m...

Lajmet e fundit nga