Elisa, në shtatë kohë

6 Mars 2026, 12:40, Editorial CNA

Më 26 shkurt, në mbledhjen e Grupit Parlamentar të Partisë Socialiste, kryeministri Edi Rama kreu lëvizjen e paralajmëruar nga CNA në 14 shkurt, ndryshimet në qeveri.

Ndër ndryshimet e befasishme, Rama vendosi të shkarkonte nga pozicioni i saj si ministre e Jashtme Elisa Spiropalin për të vendosur në krye të kësaj detyre Ferit Hoxhën.

Elisa, apo siç njihet ndryshe “Mamica”, u “eliminua” nga skena politike nga “Skënderbeu” i saj.

Ai e zhveshi nga çdo lloj kostumi, duke e lënë pa asnjë post të rëndësishëm, thjesht dhe vetëm një deputete në Kuvendin e Shqipërisë krah Zegjine Çaushit apo deputetëve të tjerë të rinj në radhët e PS-së që po thyejnë rrjetin, por me gafa.

Elisa duket se nuk e ka pritur aspak mirë shkarkimin nga “Skënderbeu” (kryeministri Edi Rama), pasi pak ditë më parë lëshoi dhe një mesazh të koduar duke thënë se nuk kanë rëndësi pozicionet, por ajo që mbetet në histori.

Po ashtu nuk e honepsi dot, nuk e kapërceu, nuk e përtypi dot faktin që Rama e largoi pasi kreu i PD-së, Sali Berisha, e paralajmëroi shkarkimin e saj, nuk e priste që kjo të vinte pas paralajmërimit të njërit prej “armiqve” të saj më të mëdhenj në politikë.

Por le të kthehemi pak pas në kohë. Le ta shikojmë shkëlqimin dhe rënien e shoqes Spiropali.

ELISA E “MJAFT”-it

Elisa, në shtatë kohë

A ju kujtohet se si Elisa Spiropali hyri në politikë?

Ja një rikujtesë:

Elisa Spiropali është ngjitur në politikë nga ‘99-çat dhe “Mjaft”-i i Erion Veliajt.

Ajo që përgjatë pushtetit të Rilindjes vezullonte, kur qëndronte pas Veliajt shëtiste gjithnjë me një bluzë të grisur e të zhubrosur.

Tek “Mjaft”-i, Spiropali mbante pozicionin e drejtoreshës së politikave. Elisa e “Skënderbeut”, njësoj si Veliaj u përpoq të vinte në pushtet duke protestuar kundër Partisë Socialiste.

U bë njësh me Erion Veliajn për të rrëzuar PS-në.

Elisa, në shtatë kohë

ELISA E PS-së

Si shumë të tjerë, edhe Elisa e kaloi “ylberin” dhe shkoi në PS.

Me të ardhur në PS në vitin 2009, Elisa Spriopali nuk vonoi të gjente karrigen e saj. Tashmë nuk ishte kundër partisë, nuk protestonte kundër saj, por ishte pjesë e saj.

ELISA E DOGANAVE

Elisa, në shtatë kohë

Sapo PS erdhi në pushtet, Spiropali u emërua drejtoreshë e Doganave, post nga i cili dha dorëheqjen për shkak të lindjes së një fëmije.

Një ndryshim i madh i ndodhi Elisës kur ajo drejtonte doganën, gjatë së cilës pati thashetheme për shumë skandale me korrupsion dhe akuza për kontrabandë me mallra akcize.

Në doganë, ajo u quajt nga opozita “zonja 5 milionë euro”.

ELISA, MINISTRE E SHTETIT PËR MARRËDHËNIET ME PARLAMENTIN

Elisa, në shtatë kohë

Më 17 janar të vitit 2019, Elisa u emërua nga "Skënderbeu" ministre e Shtetit për Marrëdhëniet me Parlamentin.

Pushteti ia ndryshoi jetën Spiropalit, pasi nga një bluzë e grisur, ajo u shndërrua në një “madame” të rëndë me rroba luksoze me vlerë mijëra euro.

Por fati i shkëlqeu sërish.

Pas postit të ministres kapërceu trampolinën sërish, tashmë do të bëhej kryetare Kuvendi.

ELISA, KRYETARE KUVENDI

Elisa, në shtatë kohë

Në korrik të vitit 2024, Elisa Spiropali u zgjodh kryetare e Kuvendit. Kjo pasi Lindita Nikolla deklaroi se i duhej të tërhiqej nga kjo detyrë për shkak të gjendjes së saj shëndetësore.

Edhe kjo lumturi nuk i zgjati shumë Spiropalit. Pasi shërbeu pak më shumë se një vit në këtë detyrë, dhe pas fitores së PS-së në zgjedhjet e 2025, kryetar Kuvendi u zgjodh Niko Peleshi.

ELISA, MINISTRE E JASHTME

Edhe ky shkëlqim nuk i zgjati shumë Elisës. Vetëm 5 muaj pas emërimit, “Skënderbeu” e shkarkoi nga ky post, për ta lënë duarbosh, thjesht dhe vetëm një deputete në Kuvendin e Shqipërisë.

FUNDI I ELISËS ËSHTË DEPUTETE E PS-së.

Elisa, në shtatë kohë

Elisa hyri në Parlament me bluzën e zhubrosur, dhe bëri karrierën e Michael Jackson, u mbyt në luks, parada me veshje të shtrenjta marke, që tani vazhdon t’i ketë, por “Skënderbeu” i saj e ka zhveshur nga çdo kostum dhe post drejtues në PS.

Pushteti ia ndryshoi jetën Spiropalit, nga “Mjaft”-iste me një bluzë të grisur, u shndërrua në një zonjë të rëndë me rroba luksoze me vlerë mijëra euro, por sërish pa asnjë karrige të rëndësishme në pushtet.

Tashmë, Elisa ka mbetur thjesht në karrigen e një deputeteje në Kuvendin e Shqipërisë.

Koha e 8-të e Elisës ende nuk dihet, por është e qartë, politikisht e sakatuar./ CNA