web counter
LEXO PA REKLAMA!

SHKARKO APP

App Store
Google Play

Drejtësia cilësore e hienave me halle

Plarenti është person nën akuzë, Mero Baze merr lekë nga vellai që paguan për një të pandehur në burgun e Durrësit, por dhe ca të tjerë të mos i përjashtojmë apo subjektet që e kanë paguar dhe e paguajnë. Ylli Manjani ka klientët e tij, këta janë drejtësia cilësore, artikulimi i tyre i përbashkët. Në fakt, këta nuk kërkojnë drejtësi cilësore, këta kanë hallet e tyre me drejtësinë

13 Janar 2026, 16:10, Editorial CNA

Drejtësia cilësore e hienave me halle

Ka disa kohë që një grup personash kanë të njëjtin artikulim në opinionin publik. Kuptohet, janë të dirigjuar, nuk ka asnjë diskutim. I pari është gazetari i familjes Berisha dje dhe familjes Veliaj sot.

Ky është Mero Baze.

Drejtësia cilësore e hienave me halle

Mero flet për drejtësi cilësore, për shkelje të drejtash dhe këtë ka filluar ta artikulojë pas arrestimit të zotit Veliaj.

Një pyetje lind thjesht, deri në atë moment nuk kishte pasur probleme me drejtësinë cilësore? Pse nuk fliste Mero Baze apo kur u arrestua Veliaj u prish cilësia e drejtësisë? Se mund të ketë pasur dhe gjëra më të rënda brenda drejtësisë.

Një zyrtare me dy fëmijë që është marrë në zyrë apo dikush tjetër për një milion lekë, apo dikush tjetër për një arkë peshk dhe një celular. Kështu e përcakton ligji. Deri atëherë nuk flitej "drejtësia cilësore". Mero filloi të fliste kur pati hallin Erion Veliaj.

Por hall ka dhe Mero Baze se është i paguar nga Erioni, ka hallin e lekëve. Mjafton t’i shikojmë pasurinë në 2013 e sot dhe kuptojmë se çfarë ka ndodhur.

Hienë mediatike, por nuk ka turp, si të ketë kur nuk ka fytyrë.

Drejtësi cilësore shkruajnë dhe artikulojnë shokët e 99-ça apo të rilindur të Meros. I bien SPAK-ut se po na i shkelen të drejtat Erionit, se i ndenji polici atje kur iu bë kolonoskopia. Të njëjtin raport bëri dhe Erinda Ballanca si qokë për politikën.

Por sot që ka ikur një kriminel nga burgu, sipas standardeve të kërkuara si hiena Mero Baze dhe nga Erinda Ballanca, ish-Avokatja e Popullit e familjes Basha-Berisha, ja ku jemi për standardet dhe drejtësinë cilësore. Krimineli iku.

Shkojmë te një emër tjetër, Ylli Manjani.

Drejtësia cilësore e hienave me halle

Ish-bashkëpunëtori i Fatos Nanos, më pas u bashkua me Edi Ramën, shkoi tek Ilir Meta, e braktisi, shkoi te Rama prapë, ministër, komentator, analist, tallava e vjetër politike, një moment iku doli partizan në opozitë, tani shkoi tek Edi Rama dhe na flet për drejtësinë cilësore, për SPAK-un, që s’ka prova, që s’ka fakte.

Por Ylli Manjani që shitet si analist në media dhe si oponent tani është kthyer në një ushtar të Edi Ramës, në tezat e tij një bashkëpunëtor i ngushtë i Ramës dhe, të mos harrojmë, është avokat i palëve që ndodhen në proces gjyqësor. Mbron subjekte të SPAK-ut. Ylli Manjani ka hallin e klientëve të tij, ka hallin e lekëve të tij si Mero Baze, nuk ka hallin e drejtësisë cilësore.

Se po të mos i kishin arrestuar klientët nuk do të na fliste për to. Atëherë ishte me Saliun (që e la se nuk e bëri deputet jo se nuk donte por se pranoi Meta si pjesë të listës të LSI), pak kohë afër dhe me Metën në opozitë, tani Manjani është bërë një zëdhënës i drejtësisë cilësore të Edi Ramës që dirigjohet nga Erion Veliaj, në fakt, nga burgu i Durrësit dhe këtë e kemi parë nga përgjimet vitin e shkuar se si sulmoheshin prokurorët dhe si përdoreshin mediat.

Njëri prej tyre si risi është Ylli Manjani.

I treti Plarent Ndreca

Drejtësia cilësore e hienave me halle

I treti në radhë, ndoshta edhe më pak i rëndësishëm, është Plarent Ndreca, pseudopolitikan, flet diku si i pavarur, diku i varur për fyti sepse është subjekt i SPAK-ut, zyrtar i akuzuar. Ka hall dhe ky i fundit që flet për drejtësi cilësore.

Ky i treti flet nga halli i vet, ka dhe hallin e zdromsit. Por këta nuk kanë folur për drejtësi cilësore kur duhej? Tani që drejtësia bën punë, që arreston të korruptuar, që dënohen, këta kanë hallet e tyre për drejtësi cilësore. Mjeranë.

Plarenti është person nën akuzë, Mero Baze merr lekë nga vellai që paguan për një të pandehur në burgun e Durrësit, por dhe ca të tjerë të mos i përjashtojmë apo subjektet që e kanë paguar dhe e paguajnë.

Ylli Manjani ka klientët e tij, këta janë drejtësia cilësore, artikulimi i tyre i përbashkët. Në fakt, këta nuk kërkojnë drejtësi cilësore, këta kanë hallet e tyre me drejtësinë./ CNA





Lajmet e fundit nga