web counter
LEXO PA REKLAMA!

SHKARKO APP

App Store
Google Play

E fundit!

x

Si po kërcënon Erion Veliaj gjykatën dhe po mashtron opinionin publik

15 Nëntor 2025, 16:16, Editorial CNA



Portali online “Tema”, i gazetarit të familjes Veliaj, Mero Baze ka publikuar një kërkesë të bërë nga Erion Veliaj në Gjykatën e Posaçme për vënien në dispozicion të dosjes së tij. Në kërkesë, Erion Veliaj kërkon kopje fizike të dosjes dhe kohë të mjaftueshme për të përgatitur mbrojtjen.

Pyetja që ngrihet është kush e ka nxjerrë këtë kërkesë? Nga rrodhi ky informacion? Prokurorët e SPAK-ut e kanë nxjerrë këtë kërkesë, ndërkohë që i është çuar gjykatës?

Si po kërcënon Erion Veliaj gjykatën dhe po mashtron opinionin
Lajmi në gazetën Tema

Siç e ka thënë dhe CNA më herët, është e provuar se janë vetë njerëzit pranë Veliajt që nxjerrin materiale të tilla propagandistike, si në rastin konkret një kërkesë çuar në gjykatë, që e dinin vetëm avokatët e tij dhe ai vetë. Pra, kjo kërkesë nuk është dërguar në SPAK.

Kërkesa i është çuar gjykatës dhe Veliaj ka kërkuar që t’i vendosen në dispozicion aktet e dosjes së tij. Në fakt, dosja e Erion Veliajt ka katër muaj që i është vënë në dispozicion, që në 23 korrik. Erion Veliaj vazhdon shtyn gjyqin dhe gjen vetëm instrumente për të shtyrë seancën paraprake.

Tani dhe ky veprim për të kërkuar dokumentet është një lëvizje “mashtruese”, sepse është e qartë. Erion Veliaj thotë më jepni dokumentet tani, ndërkohë që janë marrë nga avokatët e tij në formë elektronike muaj më parë, dhe më pas do të kërkojë të njihet me dokumentet. Duke qenë se janë voluminoze se janë rreth 60 mijë faqe, tani do të kërkojnë dhe nja 3 muaj të tjerë për t’i parë këto dokumente. Ndërkohë që Erion Veliajt i ka vajtur dosja që në korrik. Ka gati 4 muaj që SPAK-u e ka çuar dosjen në gjykatë dhe Erion Veliaj nuk shkon të paraqitet në gjyq. Dhe u kujtua tani pas 4 muajsh të thotë më jepni dokumentet.

 

Lëvizja “mashtruese” e Veliajt tregon edhe njëherë se kryebashkiaku i kthyer në detyrë nga Gjykata Kushtetuese, kujton se prokurorët dhe gjyqtarët janë vartës dhe punonjës në bashki. Ngatërron rolin. Ndoshta pasi e ktheu Gjykata Kushtetuese në detyrë mendon që Altin Dumani është drejtor i Urbanistikës, Ols Dado drejtor i Gjelbërimit, Erion Bani drejtor i Pastrimit. Një tjetër është drejtori i Strehimit. Në fakt, nuk është kështu dhe e vërteta është se me këto urdhra që i jep Erioni gjykatës, shkon apo nuk shkon në gjykatë nuk do t’ia dijë askush.

Se prokurorët nuk janë vartës të tij, as gjykatësit nuk janë vartës të tij. Kështu që do të vazhdojnë punën. Erion Veliaj e ka marrë rrugën e tij ligjore, duket qartë që nga mënyra si vepron se dhe ai vetë është bindur që do të dënohet. Ndoshta mendon që gjykatësit dhe prokurorët i ka punonjës të bashkisë dhe mund t’i urdhërojë ai dhe t’i bëjë gjyqet siç do ai. Në fakt, ka ligje. Ka Kod Penal shteti shqiptar dhe nuk pyet shumë as për kryetarë të Bashkisë së Tiranës, që detyrën duan ta ushtrojnë nga burgu apo mbajnë peng kryeqytetin për interesat e tyre që lidhen me skandalet e korrupsionit. Seanca paraprake me ligj duhet të mbyllet për një muaj dhe këtë nuk e ndalon dot Erion Veliaj.

Politikanët zakonisht gënjejnë dhe mashtrojnë shumë. Ndoshta Erion Veliaj mendon se nga burgu mund të mashtrojë opinionin publik. E vërteta është se aktet e gjykatës i kanë marrë avokatët e tij. I kanë marrë në mënyrë elektronike, të shkojnë në një kancelari, t’ia printojnë dhe t’ia çojnë. Kanë 4 muaj që i kanë marrë dhe kanë hedhur dhe firmën avokatët e Veliajt, se aktet nuk merren në prokurori pa firmosur. Erion Veliaj nuk e zhbën dot faktin që avokatët e tij i kanë marrë të firmosura aktet më 23 korrik.

Kështu që e gjithë kjo është thjesht një lojë, asgjë më shumë sesa kaq.

Avokatët e Veliajt të shkojnë t’i printojnë aktet dhe t’ia japin klientit të tyre. Nuk do të paguajnë shqiptarët tani dhe lekë se do Erion Veliaj të përkëdhelet nga burgu dhe do t’i japë urdhra gjykatës.

60 mijë faqe, kanë kosto miliona lekë për shqiptarët. Mirë ato 800 mijë euro brekë e fustane për Ajolën, po të paguajnë shqiptarët tani dhe për letër. Të harxhojnë dhe letër se s’do Erioni t’ia printojnë aktet avokatët e tij po do të bëjë cirqe me gjykatën.

Erion Veliaj po ndjek me gjykatën, të njëjtën taktikë që ndoqi me prokurorinë, me letra, me shkrime. Ajo që s’ka ndodhur ende është fillimi i sulmeve ndaj gjykatësve./CNA





Lajmet e fundit nga