web counter
LEXO PA REKLAMA!

SHKARKO APP

App Store
Google Play

Italiani që nuk shpëton dot Veliajn nga afera e shekullit

1 Tetor 2025, 13:06, Editorial CNA


Erion Veliaj dhe inceneratori i Tiranës

Erion Veliaj, kryebashkiaku i shkarkuar i Tiranës, i cili ndodhet në burgun e Durrësit për 13 akuza dhe 5 vepra të rënda penale, ka reaguar për gënjeshtrën e italianit Gabriele Tarroni Longinotti.

“Për italianin, që as më njeh e as e njoh, por që nisi një zinxhir jetëshkatërrues ngjarjesh, që të kuptojë se nuk jam hakmarrës, por ai dhe kushdo tjetër këtu në Shqipëri, duhet të kuptojë që fjalët kanë peshë, e kur janë të rreme thyejnë karriera, qytete e familje, që do të duan dekada të rikuperohen. Për të tjerët, që u bënë me vetëdije apo me zell politik pjesë e këtij fabrikimi, dua t’u them se unë jam i burgosur, por nuk jam në burg. Jam i qetë dhe i çliruar në ndërgjegjen time. Shpresoj që të keni fuqi të çliroheni nga burgu i ligësisë suaj ku keni mbyllur veten, pasi e vërteta e rrëfimi do t’ju bëjnë të lirë”, shkruan ndër të tjera Veliaj.

Se ç’faj kanë mediat shqiptare që një italian gënjen, i cili tani thotë që unë gënjeva, në fakt, ai duhet marrë i pandehur, megjithëse ai është pjesë e inceneratorëve dhe i përfshirë në skema në atë grup të strukturuar kriminal pavarësisht kohës së ndarjes së tij.

Në fakt, Erion Veliaj më shumë sesa të shqetësohet për italianin që paska thënë një të pavërtetë që e paska takuar apo jo Veliajn, duhet të na thotë sa herë e ka takuar Mirel Mërtirin dhe ku e ka takuar, duhet të na thotë sa herë e ka takuar Klodian Zoton dhe ku e ka takuar.

Cila është përgjegjësia e kryetarit të bashkisë për inceneratorin e Tiranës që nuk ekziston?

A ka përgjegjësi penale Erion Veliaj për drejtorët e tij të cilët kanë firmosur për një dokument që e shikoni më poshtë që kanë krijuar 60 milionë euro të ardhura për koncesionarin për inceneratorin që nuk ekziston në Tiranë?

Italiani që nuk shpëton dot Veliajn nga afera e shekullit

Italiani që nuk shpëton dot Veliajn nga afera e shekullit

Italiani që nuk shpëton dot Veliajn nga afera e shekullit

Italiani që nuk shpëton dot Veliajn nga afera e shekullit

A ka përgjegjësi Veliaj për sabotimin dhe shkatërrimin e Njësisë së Zbatimit të Projektit?

A ka përgjegjësi Erion Veliaj për monitorimin dhe ndjekjen hap pas hapi të ndërtimit të landfillit të inceneratorit që reklamohej si një histori e madhe suksesi kur në fakt ai bridhte rrugëve të Tiranës cep e më cep, nuk e dinte se çfarë bëhej në Sharrë te landfilli.

Ama shkonte dhe inauguronte kopshtet duke lënë gojëhapur Mirel Mërtirin dhe Klodian Zoton.

Italiani që nuk shpëton dot Veliajn nga afera e shekullit

Italiani që nuk shpëton dot Veliajn nga afera e shekullit

A ka përgjegjësi Erion Veliaj për dokumentin që firmos dhe bie dakord në parim drejtuar Alqi Bllakos para se të mblidhte Këshillin Bashkiak?

Italiani që nuk shpëton dot Veliajn nga afera e shekullit

A ka përgjegjësi Erion Veliaj për masakrën dhe ndotjen që ka ndodhur në kryeqytet?

Për kompanitë zinxhir të blera nga Klodian Zoto, Mirel Mërtiri dhe njerëzit e tyre të cilat shkonin te "Meg Albania", te kompjuteri i Ajola Xoxës?

Një italian që gënjen dhe ndërron dëshminë e tij i blerë nga televizioni apo nga të tjerë nuk është problemi i vërtetë i landfillit dhe inceneratorit të munguar në Tiranë.

Problemi i vërtetë janë 130 milionë euro të paguara nga transfertat e pakushtëzuara dhe Bashkia e Tiranës për një incenerator që nuk ekziston ku pretendohet se paguhet 29 euro për ton për përpunim mbetjesh, por më pas iu firmos dhe një kontratë shtesë për dherat, pa pyetur askënd.

Ndërkohë kërkohet një incenerator nga vetë Erion Veliaj, nga qeveria dhe nuk pyetet Këshilli Bashkiak. Firmosen dokumente, kalojnë para nëpër media, paguhen kompani, gjenden emrat e një pjese të tyre dhe te kompjuteri i Ajolës, bashkëshortes së Erion Veliajt.

Kryebashkiaku del dhe reagon dhe halli i tij i madh është gënjeshtra e një italiani, një gënjeshtër pa pasoja, pa asnjë lidhje me veprën penale dhe hetimin e bërë për inceneratorët.

Dokumentet e tjera janë aty, i ka në dosje SPAK-u, i ka në dorë Dritan Prençi, prokurori që ka frikë të hetojë Erion Veliajn, ku shpërdorimi i detyrës është i provuar me dhjetëra e dhjetëra dokumente dhe fakte.

Por të mos bëjmë as rolin e gjyqtarit dhe as të prokurorit, më poshtë po sjellim këtë dokument siç kemi sjellë dhe të tjera për shkrimet tona për gjithçka që kemi renditur më sipër.

Italiani që nuk shpëton dot Veliajn nga afera e shekullit

Italiani që nuk shpëton dot Veliajn nga afera e shekullit

Italiani që nuk shpëton dot Veliajn nga afera e shekullit

Problemi i Erion Veliajt me inceneratorët nuk është italiani, problemi i Erion Veliajt me inceneratorin e Tiranës që nuk ekziston është shkelja e ligjit që ka bërë kryetari i Bashkisë së Tiranës i burgosur në Durrës, i quajtur Erion Veliaj./ CNA

 





Lajmet e fundit nga