web counter
LEXO PA REKLAMA!

SHKARKO APP

App Store
Google Play

“Top” strategjiku i inceneratorëve dhe një dasmë në “5D”

18 Shtator 2025, 14:43, Editorial CNA

“Top” strategjiku i inceneratorëve dhe një dasmë

Investitori strategjik i qeverisë dhe ortaku i inceneratorëve, media që është akuzuar si gjobaxhie nga vetë punonjësit e saj, kujtojmë këtu rastin e Endrit Habilajt, dje ka bërë një emision të gjatë me një panel alla “Përputhen”, ku qershia mbi tortë ishte Ilir Vrenozi që i delegoi një jashtëqitje një të ftuari në panel në prani të kënaqësisë së përjetshme të Ervin Salianjit, G.D.-së së famshme të dikurshme.

Një emision i tillë nuk i përket nivelit të një televizioni kombëtar, çfarëdo të kishte ndodhur, nuk mund ta bënte, por në “Top Channel” mesa duket jashtëqitja që përmend Vrenozi ka një standard fiks si ajo që tha ai.

Në rast se “Top Channel” do të kishte bërë kaq shumë emisione për inceneratorët, jo nga ato emisionet kur gënjente dhe sulmonte prokurorët, por për abuzimet, nëse do të kishte bërë kaq shumë emisione për vjedhjet dhe abuzimet me “5D”-në, kompaninë e drejtorëve të Veliajt, nuk do të kishim kaq shumë njerëz në burg dhe korrupsion nga bashkia e kryeqytetit.

Në qoftë se “Top Channel” do të kishte bërë më shumë emisione të vërteta sesa lëpirje ndaj Erion Veliajt, me gjoja lajme ekskluzive që do të shkohej në Strasburg kur atë e di dhe lopa, do të ishte më mirë për kryeqytetin ndoshta dhe për vetë Erionin.

Në rast se “Top Channel” do të ishte media në rolin e saj të vërtetë, do të bënte oponencë, nuk po themi të bashkohej me Berishën, se në fakt është bërë më keq se opozita e Saliut, jo për nga përballja me pushtetin, por nga katandisja që ka të bëjë me një televizion kombëtar.

Televizion të cilin tani e menaxhon kënaqësia e përjetshme e Ervin Salianjit dhe e katandis te jashtëqitja duke diskutuar një dasmë në Romë të Genar Topallit, djalit të Jozefinës, i cili është lidhur me një vajzë që jeton në Amerikë e që i ka prindërit biznesmenë.

Për këtë arsye kanë bërë një event familjar të kushtueshëm, ku nuk ka lidhje Jozefina, as Grida që ndoshta do ta ëndërrojë ndonjë dasmë të tillë me Salianjin në Lozhan, aty ku Ervini ka “vilën” e tij si ajo e marrë me qira në Romë.

Në fakt, ishte një dasmë që ia plasi zhurmën një vajzë nga xhelozia. Nuk e dimë si do të kishte përfunduar nëse Genari do të ishte martuar me Eva Muratin dhe jo me Cindy Marinën. Dasma mund të kishte qenë në periferi të Tiranës, por ja që lumturinë e jetës e zgjodhi me Cindy-n dhe kjo e fundit bëri një dasmë dinjitoze.

Nuk është kaq madhështore me shpenzimet sa thonë, në fakt, është më pak, por gazetarët le ta shohin e ta investigojnë.

Genari dha një përgjigje, televizionet përfunduan në jashtëqitje, portalet kanë avazin e tyre, veçse kjo dasma e Genarit është asgjë në atë që duhet të kishte bërë “Top Channel” me dasmën e Erion Veliajt, që shkonte nga kalaja në kala dhe u martua me pensionin e një nëne dhe të një djali që kishte shitur fiq.

Në Kalanë e Gjirokastrës, me mijëra persona, në Tiranë, kudo. Ndoshta kishte vlerën e miliona eurove, por këtë duhet të na e thotë SPAK-u se nuk e dimë sa ka shkuar vërtet.

Ama, me pensionin e mamit është bërë, por “Top Channel” nuk bëri kurrë një emision, siç bëri tani për Genar Topallin, djalin e Jozefinës, e cila ka 13 vite në opozitë dhe fundja ka të drejtë të martohet me kë i do zemra e tij, ta bëjë dasmën si i do zemra e tij dhe të shkojë e t’i gjejnë një qindarkë të vetme Genarit që ka punën e tij, aktivitetet e tij në biznes. Genar Topalli nuk është as Ervin Salianji, as Grida Duma, nuk është as Erion Veliaj.

Është një djalë, që përtej politikës dhe çfarë përfaqësonte e ëma, ka jetën e tij private.

Zoti ta bekojë dhe të ketë një jetë të lumtur se, siç thotë një fjalë “sa herë Zoti do të bëjë një gjë të mirë, djalli do të jetë aty për të bërë të keqen e tij”.

Ndaj dhe djajtë tanë mediatikë ose jo kanë avazin e tyre, por të katandiset “Top Channel” për të mbyllur emisione duke ngrënë m**, vaj medet ku ka katandisur “Top”-i i inceneratorëve si strategjik i qeverisë, thjesht strategji m**./ CNA





Lajmet e fundit nga