web counter
LEXO PA REKLAMA!

SHKARKO APP

App Store
Google Play

Kush e përdori Olsian Çelën si marionetë kundër draft-Kodit Penal?

3 Gusht 2025, 20:13, Editorial CNA

Kush e përdori Olsian Çelën si marionetë kundër
Menjëherë pasi në media u prezantua draft-Kodi i ri Penal, nga Ministri i Drejtësisë Ulsi Manja, Kryetari i Gjykatës së Lartë Sokol Sadushi, kreu i grupit të punës Arben Rakipi, një grup tjetër ekspertësh në fushën e drejtësisë, i pari që doli publikisht si një marionetë kundër draft-Kodit ishte Prokurori i Përgjithshëm, Olsian Çela.

Ai u distancua nga draft-Kodi, tha se nuk kishte përfaqësues, se nuk ishte përfshirë. Komentoi ashpër draft-Kodin.


Në fakt, është e çuditshme dalja e Olsian Çelës, megjithëse në shumicën e opinionit publik dhe mediatik, ai shihet qartazi si një njeri i afërt i Erion Veliajt, nëpërmjet lidhjeve të treta. Kjo edhe për shkak të takimeve të shumta që Olsian Çela ka pasur vitin e shkuar me kryebashkiakun e Tiranës, i cili në atë kohë hetohej nga SPAK-u. I urdhëruar nga Veliaj?!

Ku “kërcet” Olsian Çela?!

Olsian Çela “kërcet” te dalja e tij dhe te sulmi që i bën draft-Kodit. Ai është një dokument pune që duhet diskutuar e duhet përmirësuar dhe përpara se të dalë në një konferencë shtypi e të thotë se nuk ka pasur përfaqësues, pra të gënjejë publikisht, Olsian Çela duhet të bënte veprime të tjera.


Drejtuesi i një institucioni serioz, siç është Prokuroria e Përgjithshme apo vetë Prokurori i Përgjithshëm, menjëherë sapo merr draft-Kodin, nuk ka pse del e gënjen publikisht, kur në fakt ka pasur përfaqësuesin e tij, Kujtim Lulin, me detyrë Shef i Sektorit të Koordinimit, Studimeve dhe Integrimit.

Kush e përdori Olsian Çelën si marionetë kundër
Dokumenti, konfirmimi për përfaqësuesin Kujtim Luli


Nga ana tjetër, pasi e merr draft-Kodin dhe nuk është dakord me 50, 70 apo 100 nenet e tij, krijon një grup pune dhe bën vërejtjet e tij, komentet përkatëse për çka nuk është dakord, arsyet, krahasimi me legjislacionin e BE-së, me vendet e rajonit, duke u përshtatur edhe me realitetin shqiptar.

Pra, përfshihet, nuk distancohet.

Përfshihet për ta bërë më të mirë, por Olsian Çela doli publikisht dhe tha se nuk kishte pasur përfaqësues të tijët dhe u distancua, kur në fakt duhet të përfshihej brenda.

Çfarë e kthen Olsian Çelën në një marionetë kundër draft-Kodit?!

Cila ishte arsyeja aq e fortë që detyroi Prokurorin e Përgjithshëm apo e detyroi mendjen e tij që të dilte në një konferencë shtypi kur kishte kohë, apo gjatë të gjithë mandatit që sa është zgjedhur, mund ta kemi parë shumë pak herë?!

Për çfarë doli Olsian Çela, kur si një drejtues normal i një institucioni duhet të përfshihej qoftë edhe një grup pune e duke bërë komente. Ndërsa ai doli në konferencë, u distancua dhe tani ndoshta i bën komentet për t’ia çuar ekspertëve, duke kundërshtuar le të quajmë ‘problematikat’ që ka ky draft-Kod.

Atë që duhet ta bënte në fund, Olsian Çela e bëri në fillim sepse komentet e tij dhe kritikat që mund të kishte, grupi i ekspertëve mund t’i pranonte të gjitha ose pjesërisht. Më pas do të ketë tryeza ku do të jenë pjesë edhe ekspertë të BE-së. OSBE tha se do të japë asistentën e vet dhe do të marrë pjesë.

Atëherë, pse duhet të dilte në konferencë shtypi Olsian Çela, kur më parë duhet të bente kritikat që kishte, propozimet për ndryshime? Ato mund të pranoheshin dhe mund të mos kishte kurrë konferencë shtypi.


Cila është arsyeja? Kush e urdhëroi?

Pse Olsian Çela doli në konferencë shtypi duke u sjellë si një marionetë kundër një draft-Kodi të ri Penal, megjithëse Prokurori i Përgjithshëm është i vetëdijshëm se Shqipëria ka nevojë për një kod të ri penal dhe se kjo duhet bërë brenda vitit 2026 sipas direktivave që jepen nga Bashkimi Europian.

Për çudi, një vend që do të shkojë në BE, ka një Prokuror të Përgjithshëm që del dhe përdoret si marionetë kundër një Kodi të ri Penal, që Shqipërisë i duhet për rrugën në BE./CNA





Lajmet e fundit nga