Kur Belind Këlliçi, Genc Gjokutaj dhe Mero Baze “këndojnë” njësoj

23 Korrik 2025, 13:40, Editorial Elvi FUNDO

Në media dje “rrodhi” informacioni nga njerëzit afër Erion Veliajt se SPAK-u kishte mbyllur hetimet 6-mujore për kryebashkiakun e Tiranës që ndodhet pas prangave në qelitë e paraburgimit në Durrës, se atij do t’i njoftoheshin sot akuzat.

SPAK merr zyrtarisht të pandehur Veliajn
22 Korrik, 11:07

Lajmi u dha nga të gjitha mediat, por sërish sa herë flitet për SPAK-un, për veprimet e këtij institucioni, shikon se palët politike bashkohen kundër tij.

Është qesharake, deri në neveri, qasja që ka opozita me reagimet, sidomos kur bëhet fjalë për kryebashkiakun Veliaj apo hetimet ndaj tij. Është për të qeshur edhe kur shikon ish-prokurorë, ish-gjyqtarë apo avokatë, të cilët mbajnë disa qëndrime politike, që jo vetëm nuk u shkojnë për shtat, por të bëjnë të gajasesh, siç thotë populli. Le pastaj kur shikon të djathtët e mëdhenj që cicërojnë njësoj si Mero Baze. Mirë ky i fundit se e bën për lekët dhe përfitimet që ka marrë, por këta të opozitës pse “këndojnë” njësoj?

Vëllai i Erion Veliajt paguan Mero Bazen për sulmin ndaj prokurorëve
3 Prill, 19:27

Reagimi i parë ishte i avokatit Genc Gjokutaj, i cili tha se prokuroria i ka kryer hetimet me shpejtësi marramendëse. Tani se ç’ka dashur të thotë autori i kësaj shprehje...

Kur Belind Këlliçi, Genc Gjokutaj dhe Mero Baze

Deklarata e avokatit Genc Gjokutaj, për Syri TV

Është për të qeshur, aq më tepër që ai është dhe vetë jurist, ka qenë edhe prokuror. Erion Veliajt nuk i janë bërë hetimet me shpejtësi marramendëse, ka gati një vit. Veliaj është arrestuar në shkurt me vendim gjykate, ka afate hetimore që janë 6 muaj dhe ajo që kanë bërë prokurorët Altin Dumani dhe Ols Dado është thjesht dhe vetëm një gjë. Brenda 6 muajve kanë mbyllur hetimet për ta çuar në gjykatë me një grup akuzash, me rreth 13 të tilla kryebashkiakun Erion Veliaj. Ku është shpejtësia marramendëse?!

Ligji thotë fiks 6 muaj. Më pas mund të kërkohet edhe shtyrja e afateve hetimore, ka ndodhur siç është rasti i Thoma Gëllçit që është shtyrë afati hetimor për 3 muaj përtej afatit 6-mujor. Solli një vendim të Strasburgut, që e detyronte prokurorinë dhe t’i thoshte çfarë bëre t’i që shtyve këto afate 6-mujore. Çfarë ke bërë më shumë se çfarë ke në dosje?

Në rastin e Veliajt prokurorët kanë mbyllur dosjen, kanë përfunduar hetimet, kanë njoftuar akuzat. Kanë bërë detyrën sipas ligjit. Janë hapur fraksione, vazhdojnë çështje të tjera të hetohen. Ku është shpejtësia marramendëse dhe për çfarë u duhej kjo shpejtësi marramendëse? Thjesht dhe vetëm janë respektuar afatet ligjore.

Zyrtarisht i pandehur/ Prokuroria e Posaçme i komunikon akuzat Veliajt
23 Korrik, 10:34

I dyti është Belind Këlliçi, kuptohet dhe njëherë me komplekset politike, shpesh i qartë, shpesh për t’i qarë hallin. Këlliçi thoshte se SPAK-u ka bërë marrëveshje me Erion Veliajn dhe tani me mbylljen e afateve hetimore do ta nxjerrin shpejt. Një tjetër tezë kjo. Pra, e nxjerr SPAK-u Veliajn kur i ka ngritur 13 akuza të rënda penale dhe kryebashkiaku i Tiranës rrezikon nga 7 në 15 vite heqje lirie.

Kur Belind Këlliçi, Genc Gjokutaj dhe Mero Baze

Deklarata e Belind Këlliçit te Syri TV

Se si të nxjerr SPAK-u kur në fakt bën akuzën, këtë mund ta dijë vetëm Belind Këlliçi, por ndoshta beson teoritë që shkruan dhe Mero Baze me shkeljet e të drejtave të njeriut.

Akuzat ndaj SPAK-ut/ Kë të besojmë, BE-në apo Mero Bazet?
10 Korrik, 10:07

Ky i fundit është në të njëjtën vijë logjike dhe politike që është opozita. Megjithëse Mero shan 24 orë Saliun, tani ka të njëjtën mendje si Berisha ku është bashkuar dhe Belindi.

Editoriali i Mero Bazes

Atë që thotë Mero lart e poshtë se Erionin e mbanin në burg pa akuzë dhe kur e pyesnin pse thua pa akuzë, kur në fakt ka shumë akuza dhe hetimet vazhdojnë, thoshte se duhet t’i çojnë akuzën zyrtare sa më shpejt që më pas t’i ndryshohet masa e sigurisë. Thoshte dhe tezën tjetër Baze se në rast se Gjykata e Lartë nuk e nxjerr Erionin, po e mban në burg Rama. Rama e mban dhe Rama e nxjerr, sipas Bazes.

Kur Mero Baze akuzon Ramën: “Ka kapur Gjykatën e Lartë, burgosi Veliajn”
9 Korrik, 22:55

Të njëjtën gjë thotë edhe Belind Këlliçi, që u bë shpejt dhe po i komunikojnë akuzën që më pas ta lirojnë. Si të liron SPAK-u? Kur në fakt Erion Veliaj përveç këtyre akuzave ka edhe fraksione të tjera hetimore, ka dhe dosje të tjera, që hetimet vazhdojnë. Si të liron SPAK-u, kur të heton me shpejtësi marramendëse?

Të hetosh sipas afateve ligjore dhe të çosh akuzën në rregull është të respektosh ligjin dhe asgjë më tepër se kaq.

Pa folur pastaj për pjesën tjetër qesharake, ku avokatët e Veliajt ishin shqetësuar se lajmin të parët e nxorën mediat. Në fakt, nuk e dimë se cila studio ligjore është nga këto, brenda apo jashtë Shqipërisë.

Kur lobimi për Veliajn shitet si konsulencë juridike
25 Qershor, 12:09

Po në cilin vend të botës nuk e nxjerrin lajmin të parin mediat? Meqenëse paska rrjedhur informacioni për Erionin, se do t’i komunikoheshin akuzat, kur në fakt ishin thirrur dhjetëra avokatë dhe personazhe të tjerë që u ishin komunikuar akuzat. Të paktën këtë të mediave opozita nuk e thotë.

Po kjo s’ka rëndësi. Më qesharakja në këtë histori është e njëjta linjë që mban opozita me Mero Bazen në rastin e Veliajt, thjesht dhe vetëm për të sulmuar SPAK-un. Kur në fakt, në rastin e Veliajt, prokurorët kanë bërë thjesht dhe vetëm detyrën.

Tani duhet të dëgjojnë edhe qyfyret dhe broçkullat e Genc Gjokutajt, Belind Këlliçit, që janë në të njëjtën orkestër që dirigjon Mero Baze./ CNA