E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Farsa e rinumërimit dhe 200 mijë eurot e shqiptarëve në kosh

24 Qershor 2025, 19:35, Editorial CNA

KAS ka filluar rinumërimin e votave pas ankimit të bërë kryesisht nga subjekti politik Partia Demokratike, e cila konteston rezultatin e zgjedhjeve të 11 Majit dhe kërkon të delegjitimojë zgjedhjet dhe të justifikojë humbjen.

Përtej makinerisë shtetërore apo sa ka funksionuar struktura e PS-së, opozita pretendon se ka patur manipulime edhe në rinumërim.

Në fakt rinumërimin e votave e kanë bërë vetë komisionerët e PD-së dhe PS-së, në të gjithë Shqipërinë.

KAS vendosi hapjen e kutive dhe rinumërimin e tyre, një kosto që shkon afërsisht rreth 200 mijë euro sipas të dhënave zyrtare të KQZ.

KAS merr vendimin/ Do të hapen kutitë e fletëve të votimit në qarkun Tiranë
5 Qershor, 13:18

Sipas deklarimeve të komisionerit Ilirjan Celibashi asnjë shumë parash nuk i është marrë qeverisë shqiptare apo nuk është shtesë në buxhetin e shtetit, por janë nga fondet që KQZ-ja kurseu gjatë zgjedhjeve.

Sipas të dhënave të derimëtanishme kutitë tregojnë se këto 200 mijë euro janë hedhur në kosh të plehrave.

Janë 200 mijë euro të cilat kanë sjellë rinumërimin e gati 200 mijë votave të PD dhe PS që na tregojnë se gabimet janë thjesht njerëzore dhe përtej njerëzores mund të jenë 0.0 hiç.

Celibashi: Nga kontrata me DHL-në kemi kursyer 3 milionë euro
10 Qershor, 16:05

Çfarë do të thotë kjo?

Sipas të dhënave zyrtare të KAS deri më tani për subjektin Partia Demokratike janë rinumëruar rreth 88 mijë vota që janë në 713 Qendra Votimi.

Këto vota janë të gjitha të PD dhe çfarë ndodh?

Nga rinumërimi i 88 mijë votave janë gjetur gabim rreth 370 vota. Pra, 0.00 hiç. Janë gati gjysmë vote për një kuti votimi. 370 vota në 88 mijë që janë afërsisht rreth 8 mandate këto 370 janë hiç.

Pse?

Sepse janë brenda të njëjtit subjekt. Pra, të subjektit PD që i është dhënë kandidatit X vota apo kandidatit Y.

Kur është bërë rinumërimi në qendrat nëpër KZAZ të ndryshme disa komisionerë të PD-së dhe PS-së e kanë vlerësuar atë votë të vlefshme disa komisionerë të KAS i konsiderojnë ato të pavlefshme.

Ose e kundërta që komisionerët e KAS i konsiderojnë të vlefshme komisionerët e KZAZ-së, i kanë konsideruar të pavlefshme.

Dhe, ky është fakt.

Kush e përdori Dogjanin në sherrin e stisur me KAS-in?
23 Qershor, 13:42

Le të shohim votat e PS.

Janë rinumëruar 127 mijë vota të PS dhe janë gjetur 256 gabime, prapë një 0.00 hiç se, 127 mijë vota janë gati 11 mandate apo 12.

256 vota çfarë janë? E përsërisim, një hiç.

Pra, janë në total rreth 215 mijë vota të rinumëruara nga të cilat janë gjetur gabim rreth 626 vota.

Çfarë janë 626 vota?

626 vota në 215 mijë vota janë sërish një hiç dhe nuk është as gabim njerëzor, faj dhe përgjegjësi penale duket se nuk ka por janë vlerësimet siç i bën një grup numërimi i bën një tjetër.

Standarti thuajse është ruajtur. Dikush një kryq te emri e ka quajtur të vlefshme dhe ia ka pranuar dhe komisioneri i opozitës apo i mazhorancës, dikush një kryq tjetër e ka quajtur të pavlefshëm dhe kjo sipas rregullores nga KQZ dhe mbikqyrjes që bëhet nga KZAZ-të përkatëse.

Pra, 215 mijë vota të rinumëruara 200 mijë euro të paguar nga shqiptarët dhe gabimi është 0.00 hiç.

Nuk prodhon asnjë një të mijtën e një mandati në totalin e saj.

A ka zbuluar KAS shitblerje votash në emër të Erion Braçes?
24 Qershor, 16:17

Shqiptarët vazhdojnë paguajnë para për rinumërimin, për procese farsë rinumërimi dhe nëse këto zgjedhje kanë një farsë, farsa e tyre është rinumërimi që po bëhet tani nga KAS për t’i mbushur mendjen opozitës se nuk ka pasur gabime njerëzore apo manipulime në rinumërimin e votave.

Kjo po i kushton deri më tani të paktën 200 mijë euro shqiptarëve nga fondet e KQZ-së kuptohet gjithmonë dhe vazhdohet të pretendohet me budallallëkun që duket se po shkon pafund se, në rinumërim janë manipuluar votat apo janë vjedhur.

Ndërkohë që opozita kishte komisionerët e saj dhe kjo është më e dhimbshme akoma që opozita në vetvete po akuzon trupën e saj elektorale dhe njerëzit më besnikë.

Por, gabimet e tyre njerëzore nuk ekzistojnë. Numri i votave është shumë më i vogël, qesharak dhe në finale një hiç./ CNA