E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

A ka zbuluar KAS shitblerje votash në emër të Erion Braçes?

24 Qershor 2025, 16:07, Politikë REDAKSIONALE

A ka zbuluar KAS shitblerje votash në emër të Erion

Gjatë numërimit të votave të diasporës, numërues të PD-së kontestuan një numër votash të mbërritura nga diaspora me pretendimin se kryqi i vënë në kutinë e subjektit zgjedhor PS dukej i plotësuar nga e njëjta dorë.

Më tutje edhe përfaqësuesi i PD-së, Flamur Noka, doli përpara mediave dhe kërkoi të shpalleshin të pavlefshme ato fletë votimi si rast shitblerje votash.

Zbulimi i Flamur Nokës u përdor edhe si një nga llojet e shitblerjes së votës së diasporës.

Sipas përfaqësuesve të PD-së, shenjat ishin plotësuar më të njëjtin stilolaps, por duket se ishte e pamundur që të provohej trafikimi i tyre sa kohë që votimi i diasporës nuk u nënshtrohet dot të njëjtave standarde sigurie si në votimin në qendrat e votimit brenda vendit.

Sot në mediat e veta sociale, kandidati i PS-së, Erion Braçe, ka publikuar disa fletë votimi që janë riklasifikuar si të pavlefshme nga KAS-i.

Nëse vëzhgon fletët e votimit që publikon Braçe, ato janë dukshëm të njëjta në stilin që kanë zgjedhur votuesit që të plotësojnë shenjën në fletë.

Votuesit kanë zgjedhur që shenjën e kryqit ta vendosin në krahun e kundërt me kutinë e rezervuar për këtë qëllim.

"Qan" Erion Braçe/ "Po më vjedhin votat"
24 Qershor, 12:37

A është kjo forma e votimit që u është sugjeruar votuesve nga vetë Erjon Braçe, që ai të dallojë votues të caktuar?

Fakti që kjo kategori po "zbulohet" në Njësinë 5, ku Erion Braçe ishte caktuar gjatë fushatës, shton dyshimin mbi formën që kanë zgjedhur disa votues për të shënjuar fletët e votimit pro tij.

A ka ndonjë arsye se pse një votues zgjedh të shënojë votën jashtë kutisë së dizajnuar nga KQZ për këtë qëllim, përveçse t’i dëshmojë deputetit që ia ka dhënë atij votën?

A ka zbuluar KAS shitblerje votash në emër të Erion

Përfaqësuesi i KAS sot shpjegoi se KAS nuk bën hetime, por vetëm administron procesin. Ndërsa PD duket se nuk i gjen problematike këto fletë votimi për Erjon Braçen./ CNA