"Qan" Erion Braçe/ "Po më vjedhin votat"

24 Qershor 2025, 12:36, Politikë CNA

Ditë e re, ankesë e re. Deputeti i Partisë Socialiste, Erion Braçe, ditën e sotme ka vendosur të ankohet për votat e marra më 11 maj.

Braçe i rikthehet fushatës/ Në sulm për ministër Bujqësie
23 Qershor, 11:35

Pasi u ankua dhe akuzoi qeverinë ditën e djeshme për çmimet e fruta-perimeve, sot po “qan” për votat personale.

Braçe sulmon qeverinë: Çmimet, shumë të shtrenjta
23 Qershor, 10:40

Braçe ka publikuar në rrjetet sociale disa foto të fletëve të votimit, të cilat nga rinumërimi janë konsideruar të pavlefshme.

Një nga deputetët më të votuar të Partisë Socialiste, Erion Braçe, e quan pisllëk faktin që ato vota janë shpallur të pavlefshme dhe pretendon se po tentohet t'i vidhen.

"TURPI I RINUMERIMIT!
KETO JANE VOTA TE PS DHE TE MIAT-SHIHINI;
PO I SHPALLIN TE PAVLEFSHME!
Te gjitha te vleresuara gjate NUMERIMIT NGA KZAZ ne baze te NJE MANUALI TE KQZ qe tani nuk eshte me gjekundi!
NUK JA KAM BORXH KERKUJT KETE LLOJ PISLLEKU, SHOQERUAR ME SHENIMIN “VOTA ME SHUME” DHE NENKUPTIMIN “TE VJEDHURA”!
JANE VOTA TE PASTRA QE KAS PO I KTHEN NE TE PAVLEFSHME!
AS JA KAM MARRE KUJT E AS JA KAM VJEDHUR KUJT!
ESHTE VOTE KU ESHTE SHPREHUR QARTE VULLNETI I VOTUESIT!
Nuk di se si e kane planin, KUJT KAS PO KERKON TJA HEQE KETO VOTA, PRA KUJT DO TJA MARRI MANDATIN;
POR JA BEN MUUUUUU QE KY ESHTE TURP", shkruan Braçe.

Në fakt, po të shohim fotot që ka publikuar Braçe, konstatohet se asnjë nga ato fletë votimi nuk është e rregullt.

Në rregullat e KQZ-së përcaktohet qartë se për t’u quajtur vota e vlefshme duhet të vendoset shenja “+” ose “x” brenda kutisë përbri emrit të partisë dhe në atë përbri emrit të kandidatit.

Në shumë nga fletat e votimit, për të cilat Braçe pretenton se po shpallen padrejtësisht të pavlefshme, shenja “x” apo “+” nuk është në kutinë përkatëse, siç e ka parashikuar KQZ-ja.

Në një tjetër fletë nuk është shënuar as “x” as “+”, por “?” madje jashtë kutisë, pra dhe kjo e pavlefshme.