web counter
LEXO PA REKLAMA!

SHKARKO APP

App Store
Google Play

“PD nuk është ndalur nga presionet”/ Nuri: Do nxjerrim në pah të vërtetën e 11 majit

23 Qershor 2025, 17:14, Politikë CNA

“PD nuk është ndalur nga presionet”/ Nuri: Do nxjerrim

Këshilltari ligjor i Partisë Demokratike në KQZ, Franc Nuri deklaroi sot se skandali i manipulimit të zgjedhjeve ka në thelb deformimin e vullnetit të qytetarëve.

Në një intervistë në ‘Syri Tv’, Nuri u shpreh se PD nuk është ndalur nga presionet e bëra, për të nxjerrë në pah të vërtetën.

Nuri shtoi se PD do të publikojë prova çdo ditë, përfshirë edhe materiale që ende nuk janë përpunuar.

“Eshtë një nga raportet më të forta dhe të ashpra të KiE-së në 20 vitetet e fundit, që prej 2001, ku ishte skandali i manipulimit të zgjedhjeve të Dushkut, një deformim i vullnetit të qytetarëve. Është e njëjta gjë. Janë goditur fort nga ndërkombëtarët zgjedhjet e 2025 me fakte tronditëse, tejkalon gjuhën diplomatike dhe flet me tone të ashpra, duke bërë ‘autopsi’ të vërtetë të zgjedhjeve të 11 majit, që ishte një farsë elektorale dhe provat po dalin.

E vërteta s’është ndalur, të gjitha presionet që janë bërë, e vërteta në fund po del. Ashtu sikundër PD i ka nxjerrë të gjitha provat prej javësh, e vërteta është e pamohueshme. Rezultati s’ishte vullnet i qytetarëve. Rezultati i 11 majit, pas manipulimeve me votën e diasporës dhe qytetarëve, ai rezultat s’reflektonte vullnetin e qytetarëve.

Edhe të majtët s’ishin entuziastë, është si ai që e di që s’e meriton atë rezultat. Si nxënësi që merr provimin me kopjim, kështu ndiheshin e një pjesë e elektoratit të PS, që zgjedhjet ishin të manipuluara. Na lindi detyra si opozitë që t’i faktonim edhe çdo faktori ndërkombëtar. Këto raporte të fundit ndërkombëtar, janë ‘radiografi’ e pastër e farsës elektorale e 11 majit. Këto raporte në 90 % kanë vetëm kritika, e shqetësime serioze për demokracinë në Shqipëri, shkelje të rënda të ligjit.

Ata nuk e kuptojnë patronazhimin, ndërkombëtarët, duhet t’ua shpjegojmë. KAS dhe KQZ i relativizojnë gjërat. Vlora, Berati, Dibra e Shkodra do kontestohen. KQZ s’i konsideron prova raportet ndërkombëtare. Përfaqësuesit e KQZ bëhen 1 me përfaqësuesit e PS, mbajnë një linjë të ashpër, rol pro-aktiv në raport të PS, aq sa përfaqësuesit e PS s’i mbrojnë çështjet e tyre, pasi janë anëtarët e KQZ. Do publikojmë prova çdo ditë, materialet ende s’i kemi përpunuar ende”,-tha Nuri./CNA





Lajmet e fundit nga