web counter
LEXO PA REKLAMA!

SHKARKO APP

App Store
Google Play

E fundit!

x

Asambleja Parlamentare e KiE/ Diskutohet raporti për zgjedhjet e 11 majit

21 Qershor 2025, 17:41, Politikë CNA

Asambleja Parlamentare e KiE/ Diskutohet raporti për zgjedhjet e 11 majit

Asambleja Parlamentare e Këshillit të Europës do të mblidhet të hënën në Strasburg.

Në mbledhje, do të diskutohet raporti për zgjedhjet parlamentare të 11 majit në Shqipëri.

Në raportin e bërë nga Këshilli i Europës, thuhet se zgjedhjet parlamentare u zhvilluan në një mjedis të polarizuar dhe një temë që zuri vend të rëndësishëm në diskursin politik.

Gjithashtu në raport thuhej se zgjedhjet e 11 majit u karakterizuan nga përdorimi i gjerë i burimeve publike dhe institucioneve nga partia në pushtet.

"Zgjedhjet parlamentare u mbajtën më 11 maj në një mjedis politik shumë të polarizuar. Anëtarësimi në Bashkimin Evropian (BE) ishte një temë që zuri vend të rëndësishëm në diskursin politik, me Partinë Socialiste (PS) në pushtet që bënte fushatë për anëtarësim deri në vitin 2030 dhe theksonte arritjet në procesin e negociatave. Megjithatë, partitë opozitare e kritikuan PS-në për përdorimin e retorikës së integrimit në BE si një mënyrë për të shpërqendruar vëmendjen nga çështjet e brendshme si standardi i jetesës, korrupsioni dhe rënia e demokracisë.

Zbatimi për herë të parë i votimit nga jashtë vendit në këto zgjedhje u vlerësua gjerësisht si një arritje e rëndësishme. Zgjedhjet për parlamentin e Shqipërisë ishin konkurruese dhe të menaxhuara në mënyrë profesionale, autoritetet arritën të përballonin sfidën e organizimit për herë të parë të votimit nga jashtë vendit dhe kandidatët, në përgjithësi, patën mundësi të bënin fushatë lirisht. Megjithatë, zgjedhjet u shënuan nga përdorimi i gjerë i burimeve publike dhe i fuqisë institucionale nga partia në pushtet, ndërkohë që raportime të shumta për presion ndaj punonjësve publikë dhe votuesve të tjerë, si dhe raste të frikësimit, përbëjnë shqetësim, thuhet në një deklaratë të vëzhguesve ndërkombëtarë sot”, thuhej në raport./ CNA





Lajmet e fundit nga