web counter
LEXO PA REKLAMA!

SHKARKO APP

App Store
Google Play

KAS rrëzon kërkesën e PS-së: Nuk mund ta ndryshojmë standardin në proces

20 Qershor 2025, 16:12, Politikë CNA

KAS rrëzon kërkesën e PS-së: Nuk mund ta ndryshojmë

Komisioni i Ankimimeve dhe Sanksioneve rrëzoi kërkesën e bërë nga Partia Socialiste, lidhur me fletët e pavlefshme nga zgjedhjet e 11 majit. PS kërkonte që këto fletë të merren në konsideratë edhe nëse shenja e votimit është jashtë kutisë në të cilën bëhet shënimi në fletëvotim.

Anëtari i KAS, Ledio Braho, bëri me dije arsyet që çuan KAS-in në këtë vendim.

Braho theksoi dy elementët, që sipas KAS-it do të çonin në ndryshim të standardit në këtë proces.

“Atëherë, kërkesa e Partisë Socialiste kishte dy elementë. Elementi i parë kishte të bënte me faktin që i kërkonte KAS-it që të ndryshonte standardin e vlerësimit të votave për listën preferenciale të kandidatëve, kur shenja është vendosur jashtë kuadratit të kandidatëve. Elementi i dytë ishte që ishte i paqartë në qoftë se ky vlerësim i ndryshëm duhet të cenonte standardin e ndjekur deri tani, apo nënkuptonte që edhe ato 300 kuti që janë hapur deri tani duhet të rinumërohen dhe një herë nga fillimi, në qoftë se do të ndryshonte ky standard. Kështu që për ne të dy elementët konsiderohen jo normal në këtë proces e para, sepse nuk mund ta ndryshojmë standardin në proces. E dyta është që nuk mundet që këto 300 kuti që janë hapur deri tani të rivlerësohen dhe njëherë vetëm sa u përket këtyre votave. Dhe ajo çka është më e rëndësishme, ne vijojmë t'i qëndrojmë mendimit se vota duhet vlerësuar me objektivitet sa i përket kandidatit”,-tha Braho./CNA

 

 





Lajmet e fundit nga