web counter
LEXO PA REKLAMA!

SHKARKO APP

App Store
Google Play

E fundit!

x

“Zgjedhjet janë të kapura”/ Beleri: Populli shqiptar nuk do një diktaturë të re

19 Qershor 2025, 21:36, Politikë CNA

“Zgjedhjet janë të kapura”/ Beleri: Populli shqiptar nuk

Eurodeputeti Fredi Beleri tha sot se ka zgjedhur të jetë i dobishëm dhe të thotë të vërtetat e tij te kolegët europianë lidhur me atë çka ndodhi në zgjedhjet parlamentare të 11 majit.

Në një dalje televizive në ‘Syri Tv’, Beleri u shpreh se populli shqiptar ka jetuar 45 vjet në diktaturë dhe nuk do një diktaturë të re.

Beleri akuzoi se krimi i organizuar ka përfaqësuesit e tij në çdo qark.

“U mundova sot t’u shpjegoj kolegëve të mi evropianë sesi është situata reale në Shqipëri dhe çfarë ndodhi në zgjedhjet e 11 majit. U tha se në çdo qark, krimi i organizuar ka përfaqësues të tij.

Unë e di që shumë shikues tani thonë për mua por dhe për deputetët e opozitës që ishin atje, që ne i bëjmë keq Shqipërisë. Unë besoj se më mirë të jemi të dobishëm dhe të vërtetë, sesa ti mbulojmë këto fakte dhe Shqipëria të vejë drejt greminës dhe të mos shkojë drejt Evropës.

Pra, kam zgjedhur të jem i dobishëm dhe të them të vërtetat e mia, duke bërë edhe pse shumë njerëz tani për tani mendojnë se ne po i bëjmë keq, por nuk është e vërtetë. Duhet të pastrohet. Populli shqiptar ka jetuar 45 vjet diktatori dhe nuk do një diktatori të re.

Nuk funksionon ndarja e pushteteve. Drejtësia në vendin tonë, është dora e zgjatur e pushtetit. Kjo nuk mund të ketë zgjedhje, kjo vrau zgjedhjet, vrau demokracinë. Nuk është puna se zgjedhjet mund të ishin ndryshe. S’ka si të ishte ndryshe, zgjedhjet janë të kapura. Kemi përpara punë të madhe për të sqaruar”,-tha Beleri./CNA

 

 





Lajmet e fundit nga