web counter
LEXO PA REKLAMA!

SHKARKO APP

App Store
Google Play

“Zysh Arta nuk më ndahet, edhe shoku Gramoz”/ Rama falënderon socialistët në festën e themelimit

19 Qershor 2025, 19:44, Politikë CNA

“Zysh Arta nuk më ndahet, edhe shoku Gramoz”/ Rama

Kryesocialisti Edi Rama, në fjalën e tij gjatë takimit festiv për 34-vjetorin e themelimit të Partisë Socialiste, nuk ngurroi të bënte një sërë falenderimesh për bashkëpunëtorët dhe socialistët e pranishëm në takim.

Para socialistëve në selinë e PS-së, Rama falënderoi anëtarët dhe kontribuesit e partisë.

Rama nuk harroi të bëntë dy falënderime të posaçme, siç i quajti ai, për dy figura të njohura të PS-së, Arta Daden dhe Gramoz Ruçin.

“Dua të falenderoj të gjithë ju që jeni këtu, edhe ata që janë por rrinë sikur nuk doni të jeni këtu.

Falenderoj ata që janë përpara nesh dhe gjithmonë të pranishëm në jetën e partisë sipas jetës dhe enrgjisë së tyre.

Zysh Arta nuk më ndahet. Shyqyr që të kemi. Edhe shokun Gramoz. Sa herë ta shoh në oborr kuptoj se partia është në rrugën e duhur.

Faleminderit, në mbyllje, të gjitha vajzave dhe grave që janë këtu të pranishëm. Siç tregoi edhe 11 mjai, kush u mbështet të vajzat dhe gratë, fitoi.

Falenderim edhe për ata që janë në prapavijë, që hapim dhe mbyllin derën e kësaj selie dhe bëjnë që të jetë gjithmonë e bukur, e pastër, e sigurtë dhe ngohtësinë e tyre”,-tha Rama./CNA





Lajmet e fundit nga