web counter
LEXO PA REKLAMA!

SHKARKO APP

App Store
Google Play

Berisha: Ja deputeti socialist që u punësua në kompaninë e kartelit të Troplinëve

19 Qershor 2025, 15:34, Politikë CNA

Berisha: Ja deputeti socialist që u punësua në kompaninë e

Kreu i Partisë Demokratike, Sali Berisha, deklaroi sot emrin e një deputeti të Partisë Socialiste që është punësuar në kompaninë e kartelit të Troplinëve. Berisha tha se bëhet fjalë për deputetin Arkend Balla.

Në fjalën e tij gjatë një konference me gazetarët, Berisha theksoi se farsa elektorale e 11 majit kishte si njërin nga tiparet më kardinale, rolin përcaktues të karteleve të drogës dhe organizatave kriminale.

“Farsa elektorale e 11 majit 2025, kishte si njërin nga tiparet më kardinale, rolin përcaktues të karteleve të drogës dhe organizatave kriminale.

Është bërë i njohur, i famshëm përfaqësuesi i kartelit Troplini, kartelit më të madh të kokainës në Europë, pas spostimit nga vendet e tjera dhe zotërimit nga ky kartel të portit të Durrësit.

Përfaqësuesi i këtij karteli dhe Edi Ramës, Arkend Balla, i parashikuar si ministër i Brendshëm, njeriu që mori 5200 vota më shumë se Edi Rama në Qarkun e Durrësit, është i lidhur shpirt dhe xhep me këtë kartel.

Nga leximi i dokumenteve të tij, Arkend Balla, i cili pas largimit të një deputeti të PS-së, u fut në parlament, ka deklaruar veten të punësuar vetëm në universitetin e Durrësit. Por, po të shihet me kujdes deklarata e pasurisë së tij, rezulton se nga data 1 qershor e vitit 2021 deri me datën 5.8.2023, famozi Arkend Balla, ka qenë i punësuar në kompaninë 'Nisatel'.

Kompania 'Nisatel', një nga ortakët themelues ka Sidrit Danajn, i cili sot zotëron 100 për qind të aksioneve. Kjo është një kompani që ofron shërbime interneti, telekomunikacioni, televizioni. Për periudhën 2015-2025, kjo kompani ka përfituar nga institucionet shtetërore 900 mijë euro pagesa.

'Nisatel' është një kompani që adresën primare ku ushtron aktivitetin e ka në Vlorë, dhe kjo pas hulumtimeve, është gjetur se si Arkend Balla u përzgjodh nga kjo kompani për t’u punësuar pranë saj. Pra, Arkendi me 5200 vota më shumë se Edi Rama në këto zgjedhje krahasuar me vitin 2021, ishte i punësuari i 'Nisatel'-it.

Prej majit të vitit 2018, ortak i vetëm i 'Nisatel' është shtetasi Sadrit Danaj, një personazh i denoncuar në mënyrë të përsëritur nga PD për kryerjen e veprave penale në kohën kur u emërua kryetar qarku në Vlorë nga Edi Rama.

Sadriti është vëllai i Nexhmedin dhe Vexhi Danajt. Nexhmedin Danaj pas një hetimi 5-vjeçar të Antimafias Italiane është akuzuar për trafik ndërkombëtar droge në bashkëpunim me shtetasin Elvis Doçi apo Visi i Pojës. Pra, Danajt janë pjesë kryesore e kartelit Troplini”,-tha Berisha./CNA

 





Lajmet e fundit nga