web counter
LEXO PA REKLAMA!

SHKARKO APP

App Store
Google Play

Balla i përgjigjet opozitës: Puna për reformën zgjedhore do të vazhdojë në shtator

18 Qershor 2025, 18:01, Politikë CNA

Balla i përgjigjet opozitës: Puna për reformën zgjedhore do

Në përgjigje të akuzave të ngritura nga deputetët e opozitës në mbledhjen e 19-të të Komitetit Parlamentar të Stabilizim-Asociimit Shqipëri–Bashkimi Evropian, ministri i Shtetit, Taulant Balla, theksoi se qeveria dhe opozita kanë bërë hapa të përbashkëta të rëndësishme në drejtim të reformës zgjedhore.

Balla ritheksoi nevojën që të nisë menjëherë në shtator puna për reformën zgjedhore.

“Dhe sigurisht, në reformën e ardhshme ka diçka për të cilën patjetër duhet të biem dakord.Ndaj duhet të parashikojmë në Kodin Zgjedhor mënyrën se si zgjidhen anëtarët e Parlamentit Evropian. Pra, në thelb, kemi diçka për të cilën mund të biem dakord. Gjithashtu, një tjetër çështje që duket se gjen mbështetje të gjerë është fakti se duhet të ecim përpara me depolitizimin e komisioneve zgjedhore në nivelin e dytë dhe të tretë. Prandaj, mendoj se, për të ritheksuar atë që u tha nga një prej kolegëve tanë, që duke nisur nga shtatori ne gjithmonë veprojmë njësoj, çdo shtator, sapo nis legjislatura e re, ne e ndërmarrim; por këtë herë duhet ta bëjmë patjetër. Dhe sigurisht, me konsensus. Ashtu siç gjithmonë kërkohet për reformën zgjedhore”,-tha Balla.

Balla përmendi në veçanti miratimin e votës për shqiptarët që jetojnë jashtë vendit.

“Vota e shqiptarëve që jetojnë jashtë vendit ishte një hap i rëndësishëm i ndërmarrë së bashku me opozitën,” tha Balla, duke nënvizuar se bashkëpunimi mes palëve ka sjellë përparim të prekshëm në reformimin e sistemit zgjedhor. Në lidhje me pretendimet për parregullsi dhe mungesë rezultatesh në luftën ndaj krimeve zgjedhore, Balla theksoi se procesi aktual i rinumërimit është një shembull i një procesi të besueshëm dhe të pranueshëm nga të dyja palët. Ajo që po ndodh aktualisht me procesin e rinumërimit është një proces i besueshëm, që të dyja palët po e bëjnë”,-tha Balla./CNA





Lajmet e fundit nga