web counter
LEXO PA REKLAMA!

SHKARKO APP

App Store
Google Play

“Berisha ka detyrë historike”/ Xhaferri: PD-ja pret një mandat më tepër në Tiranë dhe Elbasan

17 Qershor 2025, 15:50, Politikë CNA

“Berisha ka detyrë historike”/ Xhaferri: PD-ja pret një

Deputeti i zgjedhur i Partisë Demokratike, Besart Xhaferi tha sot se PD-ja pret një mandat më tepër në Tiranë dhe Elbasan, nga zgjedhjet e 11 majit, që i quajti pjesë të farsën elektorale.

I ftuar në një studio televizive, Xhaferri u shpreh se zgjedhjet duhet të organizohen me qeveri teknike.

Xhaferri tha se kryedemokrati Sali Berisha ka detyrë historike që të vërtetojë farsën elektorale të zgjedhjeve parlamentare.

“Për ne ka shumë rëndësi transparenca dhe duke u bërë transparencë, do të dalin shkeljet. Në kuti ndodhen vetëm 1% e farsës elektorale. “Treni bullgar” në zgjedhje ka ndodhur. Presim një mandat më tepër në Tiranë dhe në Elbasan. Vota është tjetërsuar pa shkuar në kuti, ka ndodhur me grupet kriminale, me përdorimin e administratës publike. Farsa elektorale është që zgjedhjet duhet të hidhen poshtë. Shqiptarët kanë shkuar të votojnë të blerë, të manipuluar. OSBE tha se shqiptarët nuk votuan lirë. Ambasada amerikane përshëndeti popullin shqiptar dhe jo Ramën. PPE do të sjellë mision fakt-mbledhës për zgjedhjet në Shqipëri. Zgjedhjet duhet të organizohen me qeveri teknike. Berisha ka detyrë historike që të vërtetojë farsën elektorale. Vota e PD është e pastër. PS është parti e talentuar, për të punuar me mjete të paligjshme”,-tha Xhaferri./CNA





Lajmet e fundit nga