web counter
LEXO PA REKLAMA!

SHKARKO APP

App Store
Google Play

E fundit!

x

Nis sot rinumërimi i votave/ Hapen kutitë për 4 qarqe

17 Qershor 2025, 08:08, Politikë CNA

Nis sot rinumërimi i votave/ Hapen kutitë për 4 qarqe

Procesi i rinumërimit të votave do të nisë sot fillimisht me Qarkun e Elbasanit, më pas do të vijojë me Tiranën, Fierin dhe Durrësin. Në total, gjatë këtij procesi do të hapen dhe verifikohen rreth 2,240 kuti votimi në katër qarqe të vendit.

96 kutitë e para që do të hapen janë të Elbasanit, për të verifikuar pretendimet e PD-së për të ashtëquajturin “trenin bullgar” në Gramsh dhe Peqin.

KQZ do të kontrollojë nëse ka mospërputhje mes numrit të votave të hedhura dhe numrit të votuesve që kanë marrë pjesë në zgjedhje.

Pas përfundimit të verifikimeve në Elbasan, procesi do të vijojë me rinumërimin e plotë të kutive në 3 qarqet e tjera. Në Tiranë do të hapen 1 282 kuti votimi, në Fier 587 kuti, ndërsa në Durrës do të rinumërohen 275 kuti votimi.

Gjithashtu, në këtë qark do të hapen edhe 126 kuti të tjera të përzgjedhura për verifikim shtesë, përfshirë edhe kutitë e votave të ardhura nga jashtë vendit.

KQZ ka bërë të ditur se për Tiranën procesi pritet të zgjasë rreth 10 ditë, ndërsa në qarqet e tjera afatet do të përcaktohen në varësi të ecurisë së punës./ CNA





Lajmet e fundit nga