web counter
LEXO PA REKLAMA!

SHKARKO APP

App Store
Google Play

“Komisionet parlamentare pa rezultat”/ Zhupa: Mazhoranca do të bëjë ndryshime sipas oreksit të Ramës

16 Qershor 2025, 16:03, Politikë CNA

“Komisionet parlamentare pa rezultat”/ Zhupa: Mazhoranca do të

Deputetja Ina Zhupa tha sot se ka mungesë të rezultatit nga komisionet e posaçme parlamentare të drejtuara nga deputetët socialistë.

Gjatë fjalës së saj në seancën e sotme plenare, Zhupa u shpreh se këto komisione janë ngritur në mënyrë të njëanshme nga mazhoranca.

Zhupa akuzoi se mazhoranca po pret legjislaturën tjetër në mënyrë që të ketë më shumë vota e të ketë mundësinë të ndryshojë edhe kodet në varësi të orekseve të kryeministrit.

“Ky Kuvend ka ngritur dy komisione të posaçme, të cilat u ngritën e drejtohen nga zoti Xhafa e Braçe, dhe në dijeninë time mbyllet ky Kuvend pa pasur asnjë lloj produkti dhe pa kuptuar se cilat ishin arritjet e këtyre komisioneve apo qëllimet, ose se çfarë fitoi Shqipëria nga këto dy komisione të ngritura në mënyrë të njëanshme nga mazhoranca.

Apo, po prisni legjislaturën tjetër në mënyrë që të keni më shumë vota e të keni mundësinë të ndryshoni edhe kodet në varësi të orekseve të kryeministrit e mazhorancës.

Në lidhje me projektligjet, të paktën ato që thatë në fushatë, e thatë sikur do t'i bënit ju, por e morët ju programin e PD-së dhe e citoi Edi Rama. Le të kalojmë minimumin jetik, le të kalojmë mundësinë që shqiptarët të jetojnë me dinjitet, para se të mbyllni këtë parlament nëse keni vullnetin të mbani të paktën një përqindje të vogël nga ato mashtrime që keni thënë gjatë fushatës”,-tha Zhupa./CNA

 

 





Lajmet e fundit nga