web counter
LEXO PA REKLAMA!

SHKARKO APP

App Store
Google Play

E fundit!

x

Balla në Londër me shqiptarët e suksesshëm/ Përfaqësim dinjitoz i Shqipërisë në botë

16 Qershor 2025, 11:09, Politikë CNA

Balla në Londër me shqiptarët e suksesshëm/

Pas suksesit të Partisë Socialiste me votën e diasporës në zgjedhjet e 11 majit, Drejtuesi Politik i PS-së për Diasporën, Taulant Balla, u është rikthyer takimeve me komunitetet shqiptare jashtë vendit, duke e nisur me një ndalesë mes shqiptarëve të suksesshëm që jetojnë dhe punojnë në Londër.

Në një darkë festive mes qindra shqiptarëve të suksesshëm në Mbretërinë e Bashkuar, Balla shprehu mirënjohjen për kontributin dhe përfaqësimin dinjitoz që diaspora i jep imazhit të Shqipërisë në botë. 

“Këta këtu sonte janë shqiptarët e vërtetë të Londrës, që i bëjnë krenarë Shqipërinë dhe shqiptarët. Prandaj: rrofshi ju dhe familjet tuaja në Shqipëri. Shumë mirënjohje të gjithëve!” 

Në një atmosferë të ngrohtë dhe festive, ku ishin të pranishëm sipërmarrës, profesionistë dhe figura të njohura të komunitetit shqiptar në Londër, Balla theksoi se suksesi i tyre nderon Shqipërinë dhe shqiptarët, duke shprehur edhe dëshirën që darka të tilla, të cilat janë mesazhe shumë të bukura për të gjithë diasporën, për të gjithë shqiptarët kudo që janë, të kthehen në një traditë të bukur.

"Sepse vetëm kështu ne mund t’u tregojmë jo vetëm britanikëve, por të gjithë botës se kush janë shqiptarët e vërtetë," u shpreh Balla.

Takimet me diasporën do të vazhdojnë edhe në javët në vijim, me ndalesa të planifikuara në Itali dhe Greqi, dy nga vendet me përqendrimin më të madh të shqiptarëve jashtë kufijve. 

Partia Socialiste shënoi një rezultat të shkëlqyer në votën e diasporës në zgjedhjet e fundit parlamentare, ku fitoi mandatin e katërt. Rezultati nga diaspora, e cila i dha Partisë Socialiste 122.255 vota, apo 61.14% të votave nga jashtë./ CNA





Lajmet e fundit nga