E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Balla në 100-vjetorin e FES: Gjermania, partneri ynë më i rëndësishëm për projekte kyçe në Shqipëri

13 Qershor 2025, 15:38, Politikë CNA

Balla në 100-vjetorin e FES: Gjermania, partneri ynë më i

Ministri i Shtetit për Marrëdhëniet me Parlamentin, Taulant Balla, mori pjesë në ceremoninë e 100-vjetorit të themelimit të Fondacionit "Friedrich Ebert Stiftung" (FES), ku mbajti një fjalë përshëndetëse me vlerësime për rolin e fondacionit dhe partneritetin me Shqipërinë.

"Mirënjohje Fondacionit 'Friedrich Ebert' për bashkëpunimin shumëvjeçar, veçanërisht në fushat e demokracisë, partive politike, shtetit të së drejtës, integrimit europian, politikave sociale, fuqizimit të të rinjve dhe pjesëmarrjes qytetare, barazisë gjinore, si dhe sigurisë dhe bashkëpunimit rajonal."

Ministri tha se ndihet i nderuar që merr pjesë në festën për një shekull përkushtim të FES ndaj vlerave demokratike, drejtësisë sociale dhe angazhimit progresist. Balla, duke cituar Friedrich Ebert, tha se: “Liria dhe drejtësia janë motra binjake”.

Balla theksoi edhe marrëdhënien e gjatë dhe domethënëse që Partia Socialiste dhe Shqipëria kanë pasur me Fondacionin "Friedrich Ebert", duke falënderuar edhe qeverinë gjermane për mbështetjen e vazhdueshme në fusha të rëndësishme për zhvillimin e vendit.

“Gjermania mbetet partneri ynë më i rëndësishëm, veçanërisht përmes bashkëpunimit me KfW-në, në projekte jetike si kanalizimet, furnizimi me ujë, energjia elektrike dhe shumë të tjera”, theksoi ministri, duke nënvizuar rëndësinë e mbështetjes së partnerëve gjermanë në forcimin e infrastrukturës dhe mirëqenies në vend.

Në fund të fjalës së tij, Balla përcolli përshëndetjet për presidentin e FES, Martin Schulz, të cilin e cilësoi “një mik të madh të Shqipërisë”.

Ai shprehu gjithashtu mirënjohje për gjithë familjen e fondacioneve politike gjermane që veprojnë në Shqipëri, përfshirë "Konrad-Adenauer", "Hanns-Seidel", "Heinrich-Böll" dhe "Rosa-Luxemburg", për kontributin e tyre në forcimin e demokracisë, edukimit qytetar dhe zhvillimit të qëndrueshëm./ CNA